Kubhekana neCovid
African Storybook
Tawanda Mhandu
Siswati
Longer paragraphs
Tikolwa tavalwa ngesizatfu se-Lockdown yavelonkhe. I-Lockdown beyentelwe kunciphisa kusakateka ngekushesha kweCovid-19.
-
Tikolwa tiphindze tavulwa evikini lelengcile. Kepha labanye bafundzi basahleti emakhaya.
-
Esikolweni Semabanga Laphansi eMaxeke, sesikhatsi sesifundvo seMakhono Ekuphila.
1
Thishela Piti ufuna kuva kutsi bantfwana babhekene njani ne-lockdown.
-
“Ngitsandza kuva loko lokwentekile kini ngesikhatsi se-Lockdown,” akhuluma nebantfwana ekilasini.
-
Sello uyacala, “Babe wami ukholelwa kutsi wonkhe umuntfu kufanele abe neluhlelo lalulandzelako.”
2
“Ngesizatfu saloko, bekasivusa onkhe malanga ekuseni kusukela ngeMsombuluko kuya ngaLesihlanu, bese atsi asente intfo lezuzisako kusukela ngensimbi ye-8 ekuseni kute kube insimbi ye-2 ntsambama,” kusho Sello.
-
Munya uyabuta, “Kusho kutsini kutsi, ‘intfo lezuzisako’?”
-
“Kusho kwenta intfo lelusito naleyakhako,” kuphendvula Sello.
3
“Yebo Sello, ucinisile,” kusho Thishela Piti.
-
Dzadzewabo Sello Neo uyengeta, “Babe wetfu bekacinisekisa kutsi i-Lockdown iyafanana nekuba sesikolweni!”
-
Neo utsi, “Intfo lengiyijabulele kakhulu ngesikhatsi se-Lockdown kutsi besikwati kwenta tintfo letinyenti njengemndeni.”
4
Munya utsi, “Ngicabanga kutsi ngisisebentise kahle sikhatsi sami. Bengitadisha Tibalo ngobe ngifuna kutfutfukisa emamaki ami.
-
Bengibukela emabhayisikobho futsi ngidlale imidlalo ngaphandle kute ngitijabulise. Bengiphindze ngifundze kute ngitigcine ngimatasatasa.
-
Bengijima futsi kute ngitigcine ngingumcemane.”
5
Basani utsi, “Endzabeni ye-Lockdown, ngicabanga kutsi kube nalokuhle nalokubi ngayo.”
-
“Lokuhle kube kutsi ngibe nesikhatsi sekuphumula, futsi ngacitsa sikhatsi lesinyenti nemndeni wami. Ngisebentise lesikhatsi kute ngifundze tincwadzi futsi ngibuyekete umsebenti wami wesikolwa,” achaza.
6
Wachubeka, “Bengikhatsatekile ngekutsi labo labasenta emakhaya ebantfu bebatayitfola yini imiholo yabo.
-
Bengikhatsateke ngemndeni wami nangebantfu labachubeka bephula umtsetfo.”
-
Thishela Piti uvuma ngenhloko. Uyati kutsi ngesikhatsi se-Lockdown bekulula kutiva ungaciniseki futsi ukhatsatekile.
7
Yash utsi, “Ekhaya kitsi, sibantfu labasitfupha. Ngisho ngiwutsandza kakhulu umndeni wakitsi, kepha kuhlale nawo njalo bekungenta ngidzinwe.
-
Kute alungise lenkinga, make wasitsengela umdlalo lokutsiwa yi-Monopoly. Bengiwutsandza kakhulu ngalesikhatsi ngisemncane.”
8
Yash uyaphetsa, “Ngiyidlale kakhulu i-Monopoly kulamaviki lengcile ngize ngacala kucabanga ngekutsi nasengimdzala ngente umsebenti wekutsengisa tindlu!”
-
Amanda uyahleka bese utsi, “Mine intfo lebengiyenta ngesikhatsi se-Lockdown kupheka nekubhaka. Kepha bengikhumbula kakhulu esikolweni!”
-
Bafundzi labanyenti bayavuma.
9
Thishela Piti utsi, “Kuyasita kukhuluma nemuntfu lesimetsembako simtjele indlela lesitiva ngayo.
-
Namuhla ngive emacebo lamahle ekubhekana nekuphila nakuvela bumatima.
-
Asiphindze sicoce ngalendzaba kusasa,” kusho Thishela Piti njengobe kukhala insimbi.
10

——Imibuto


  1. Bhala inchazelo yalamagama: kubhekana, bumatima, kukhatsateka, luhlelo.
  2. Bhala emagama laphikisana nalamagama.
  3. Chaza lihlaya lelishiwo nguYash.
  4. Nguwaphi emacebo lamatsatfu ekubhekana nekuphila nakuvela bumatima?
  5. Uyavumelana yini nalokushiwo nguBasani? Chaza imphendvulo yakho.
11

——

-

Lencwadzi yetindzaba isekelwe embikweni wesiteshi semsakato lokutsiwa yi-RX. I-RX Radio siteshi semsakato sebantfwana lesiku-intanethi, lesisungulwe saphindze sakhelwa bantfwana.
-
I-RX Radio isakatela e-Red Cross War Memorial Children's Hospital eKapa.
-
I-RX Radio isita bantfwana bacoce ngetintfo letibalulekile kubo.
-
Vakashela i-RX Radio
12
Attribution CC BY
Your attribution should include the following:
Title: Kubhekana neCovid
Author/s: African Storybook
Translator/s: Simangele Khoza
Illustrator/s: Tawanda Mhandu
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator