Ku pfaleriwa ka swikolo
African Storybook
Busisiwe Ndlovu
Xitsonga
First paragraphs
Busisiwe na Bandile va tsakile swinene.
-
Swikolo swi pfarile hikwalaho ku pfaleriwa!
-
Va langutele nkarhi wa ku va ekaya.
1
Endzhaku ka mavhiki ma ntlhanu va ri ekaya, vamakwavo a va ha tsakangi.
-
“A ndzi tirhi kahle eka ku dyondza eka inthanete. I ntlhontlho!” Bandi a koka moya.
2
Busi a pfumela, “Ndzi tsundzuka ku ya exikolweni.”
-
“Sweswi xikolo i mbhurisano wa mitlawa wa WhatsApp, tiepe ta dyondzo, na dyondzo eka TV!” ku vula Bandi.
3
A ya emahlweni, “Sweswi xikolo xi lava munhu a titsona swinene na ku tinyiketa.”
-
Busi a ku, “Hi fanele ku va na tidata na netiweke.”
4
“Mindyangu yo tala a yi fikeleri data. I ntshikilelo wa timali,” ku vula Bandi.
-
Busi u anakanya hi vanghana va yena, Buhle na Luka.
5
Busi a ku, “Vana van’wana va lava xikimi xo phaka swakudya exikolweni.”
-
U na ku vilela, “Xana vatswari va vona va swi kota ku xava swakudya swo ringana?”
6
Bandi a ku, “Hi na nkateko. Ku pfaleriwa loku a ku hi khumbangi hina laha kaya eka timali.”
-
“Ndzi tsundzuka vanghana va mina,” Busi a koka moya.
7
A engetela, “Ndzi nga vulavula na vona efoyinini, kambe a swi fani. Ndzi tsakela ku huhwa na vona.”
8
Bandi a longoloxa, “Ndzi tsundzuka moya wa le xikolweni, vadyondzisi, ku dyondza swilo leswintshwa, na ku va ekusuhi na vanghana va mina.”
-
Manana a ta ekamareni.
9
“Vanhwanyana, ndza ha ku twa eka xiyanimoya leswaku swikolo swa pfula vhiki leri taka,” ku n’wayitela Manana.
-
Busisiwe na Bandile a va tsakile swinene!
10

——Swivutiso


  1. Hlamusela marito lama landzelaka ‘ntshikilela wa timali’, ‘ku dyondza eka inthanete’, ‘xikimi xo phaka swakudya’ swi vulaka swona.
  2. Xana vamakwavo va tiphinile hi ku pfaleriwa? Hlamusela.
11

——


Buku leyi ya xitori yi huma eka swiviko swa Xiyanimoya xa RX. Xiyanimoya xa RX i xitichi xa xiyanimoya xa le ka inthanete, lexi nga xa vana no haxiwa hi vana.
-
Xiyanimoya xi fambisiwaka kusuka eRed Cross War Memorial Children’s Hospital eCape Town.
-
Xiyanimoya xa RX xi pfuna vana ku rungula switori hi timhaka leti nga ta nkoka eka vona.
-
Vhakela Xiyanimoya xa RX
12
Attribution CC BY
Your attribution should include the following:
Title: Ku pfaleriwa ka swikolo
Author/s: African Storybook
Translator/s: Hlongwani Hlongwani
Illustrator/s: Busisiwe Ndlovu
Assurer/s: Arnold Mushwana, Bongani Maluleke
Language: Xitsonga

© Zenex Foundation - Saide 2024

CC BY includes the following elements:
 BY   – Credit must be given to the creator