Tshifhinga tsha nyiledzo ya u tshimbila dzibadani zwikoloni
African Storybook
Busisiwe Ndlovu
Tshivenḓa
First paragraphs
Busisiwe na Bandile vho takala nga maanḓa.
-
Zwikolo zwo vala nga ṅwambo wa nyiledzo ya u tshimbila dzibadani!
-
Vho lavhelela nga maṱo matswuku u dzula hayani.
1
Nga murahu ha vhege ṱhanu vhe kha nyiledzo ya u tshimbila dzibadani, murathu na mukomana a vho ngo tsha takala.
-
“Ndi khou ita zwoṱhe zwine nda nga kona u vhala kha inthanethe. Ndi khaedu!” Bandi a tshi femuluwa.
2
Busi u a tenda, “Ndo ṱuvha u ya tshikoloni.”
-
“Zwino, tshikolo ndi u ambedzana na tshigwada tsha kiḽasi kha ‘WhatsApp’, u shumisa dzi ‘app’ dza pfunzo, na thelevishini dza pfunzo!” hu amba Bandi.
3
U bvela phanḓa, “Zwino tshikolo tshi ṱoḓa u muthu ane a ḓilanga na u ḓikumedza.”
-
Busi uri, “Ri fanela u dzula ri na datha na u kona u dzhena kha inthanethe.”
4
“Miṱa minzhi a i koni u renga datha. Zwi a lemedza kha zwa masheleni,” hu amba Bandi.
-
Busi u humbula nga khonani dzawe, Buhle na Luka.
5
Busi uri, “Vhaṅwe vhana vha tikedzwa nga nzudzanyo ya u phakha zwiḽiwa tshikoloni.”
-
U a vhilaela, “Naa vhabebi vhavho vha ḓo kona u renga zwiḽiwa zwo eḓanaho?”
6
Bandi uri, “Ri na mashudu. Heyi nyiledzo ya u tshimbila dzibadani a yo ngo ri kwama nga maanḓa siani ḽa zwa masheleni.”
-
“Ndo ṱuvha khonani dzanga,” Busi a tshi femela nṱha.
7
U a engedza, “Ndi a kona u amba navho nga founu, fhedzi a zwi tsha fana. Ndi a funa u tamba navho.”
8
Bandi uri, “Ndo ṱuvha tshikolo, vhadededzi, u guda zwithu zwiswa, na u vha na khonani dzanga.”
-
Mma vha dzhena kamarani yavho.
9
“Vhasidzana, ndo pfa kha radio hu tshi pfi zwikolo zwi khou vula vhege i ḓaho,” Mma vha tshi ṅwethuwa.
-
Busisiwe na Bandile vha takala nga maanḓa!
10

——Mbudziso


  1. Ṱalutshedzani zwine u ‘lemedza kha zwa masheleni’, ‘u guda kha inthanethe’, ‘tshikimi tsha u ḽa’ zwa amba zwone.
  2. Naa murathu na mukomana vho takalela nyiledzo ya u tshimbila dzibadani? Ṱalutshedzani phindulo yaṋu.
  3. Vhambedzani u guda tshikoloni na u guda kha inthanethe. Ndi u guda hufhio hu sa ḓuri?
  4. Arali ha vha na iṅwe lockdown, ndi zwithu zwifhio zwine na nga zwi ita nga nḓila yo fhambanaho?
  5. Naa hu na zwithu zwe na zwi guda nga vhutshilo nga tshifhinga tsha lockdown ya tshikolo? Ṱalusani.
  6. Ndi ngani ni tshi humbula uri tshikolo tsho vha tshi tshi ṱoḓa vhuḓifari na u ḓiimisela tshifhingani tsha lockdown?
11

——


Heyi nganea yo thewa kha mivhigo ya RX Radio. RX Radio ndi tshiṱitshi tsha radio ya kha inthanethe, ya vhana na yo itelwaho vhana.
-
RX Radio i hasha i ngei Red Cross War Memorial Children’s Hospital, Cape Town.
-
RX Radio i thusa vhana u amba zwiṱori nga ha mafhungo a ndeme ane a vha kwama.
-
Dalelani RX Radio
12
Attribution CC BY
Your attribution should include the following:
Title: Tshifhinga tsha nyiledzo ya u tshimbila dzibadani zwikoloni
Author/s: African Storybook
Translator/s: Tshedza Tlhako
Illustrator/s: Busisiwe Ndlovu
Assurer/s: Doris Manyamalala
Language: Tshivenḓa

© Zenex Foundation - Saide 2025

CC BY includes the following elements:
 BY   – Credit must be given to the creator