I-lockdown yetikolo
African Storybook
Busisiwe Ndlovu
Siswati
First paragraphs
Busiswe naBandile bajabule kakhulu.
-
Phela tikolo tivaliwe ngenca ye-lockdown.
-
Balangatelela kuba nesikhatsi emakhaya.
1
Sekuphele emaviki lasihlanu kune-lockdown, kantsi nenjabulo yaletelamani nayo seyiphelile.
-
“Ngiyatikhandla kute ngifundze nge-intanethi. Kepha maye kulukhuni!” kukhala Bandi.
2
Busi uyavuma, “Sengikhumbule esikolweni mine.”
-
“Nyalo, sesifundza kumaklasi elicembu le-WhatsApp, kuma-app ekufundza, nasetinhlelweni tekufundza letikuthelevishini!” kusho Bandi.
3
Nakachubeka utsi, “Nyalo sikolo sesidzinga kutsi umuntfu atimisele aphindze atikhandle kakhulu.”
-
Busi utsi, “Sonkhe sikhatsi sekudzingeka sibe nemadatha kanye nenethiwekhi.”
4
“Imindeni leminyenti iyehluleka kutsenga emadatha. Emakhikhi abhobokile,” kusho Bandi.
-
Busi ucabanga ngaBuhle naLuka, bangani bakhe.
5
Busi utsi, “Labanye bantfwana basaludzinga luhlelo lwekudla lwasetikolweni.”
-
Akhatsatekile, uyatibuta, “Batali babo batawukhona yini kubatsengela kudla lokwenele?”
6
Bandi utsi, “Ekhaya tsine sinenhlanhla. Lolubhubhane lusengakasilimati kangako ngekwetimali.”
-
“Ngiyabakhumbula mbamba bangani bami,” kubalisa Busi.
7
Uchubeka utsi, “Ngihlale ngibafonela, kepha akufanani. Ngiyakutsandza kudlala nabo.”
8
Bandi uyabala, “Ngikhumbula kuba sesikolweni, bothishela, kufundza tintfo letinsha nekuba nebangani bami.”
-
Make ungena ekamelweni labo.
9
“Mantfombatane, ngisandza kuva umbiko emsakatweni wekutsi tikolo tiyavulwa evikini lelitako,” make uyamoyitela.
-
Busisiwe naBandile bajabula kakhulu!
10

——Imibuto


  1. Chaza inchazelo yaloku lokulandzelako: ‘kucindzeteleka ngekwetimali’, ‘kufundza nge-inthanethi’, ‘luhlelo lwekondla’.
  2. Letelamani tiyijabulele yini i-lockdown? Chaza imphendvulo yakho.
  3. Catsanisa kufundza esikolweni nekufundza nge-inthanethi. Ngukuphi lokushibhile kuloku?
  4. Nakungaphindze kube khona i-lockdown, ngutiphi tintfo longatenta ngendlela leyehlukile?
  5. Tikhona yini tintfo lotifundzile ngemphilo ngesikhatsi se-lockdown yesikolwa? Chaza.
  6. Yini lekwenta ucabange kutsi sikolwa bekudzingeka silawuleke kakhudlwana futsi sitinikele ngesikhatsi se-lockdown?
11

——


Lencwadzi yetindzaba isekelwe embikweni wesiteshi semsakato lokutsiwa yi-RX. I-RX Radio siteshi semsakato sebantfwana lesiku-intanethi, lesisungulwe saphindze sakhelwa bantfwana.
-
I-RX Radio isakatela e-Red Cross War Memorial Children's Hospital eKapa.
-
I-RX Radio isita bantfwana bacoce ngetintfo letibalulekile kubo.
-
Vakashela i-RX Radio
12
Attribution CC BY
Your attribution should include the following:
Title: I-lockdown yetikolo
Author/s: African Storybook
Translator/s: Simangele Khoza
Illustrator/s: Busisiwe Ndlovu
Assurer/s: Mduduzi Benjie Shongwe
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator