Ho kwalwa ha dikolo
African Storybook
Busisiwe Ndlovu
Sesotho (South Africa)
First paragraphs
Busisiwe le Bandile ba thabile haholo.
-
Dikolo di kwetswe hobane ho ena le ho kwalwa ha naha.
-
Ba thabetse ho tla qeta nako hae.
1
Kamora beke tse hlano tsa ho kwalwa ha naha, Busisiwe le Bandile ha ba sa thabile.
-
“Ke leka ho etsa ka hohle ho ithuta ka inthanete. Ke phephetso!” ke Bandi a fehelwa.
2
“Ke hopotse sekolong,” ke Busi a dumela.
-
“Jwale sekolo ke dihlopha tsa WhatsApp, diepe tsa thuto le thuto ka thelebishene!” ho bua Bandile.
3
A tswela pele are, “Jwale ho kena sekolo ho hloka boitelo le ho sebetsa ka thata le ho feta.”
-
“Hape re lokela ho dula re na le datha le marangrang a inthanete,” ha bua Busi.
4
“Malapa a mangata ha a kgone ho reka datha. Ke bothata ba ditjhelete,” ke Bandi yeo.
-
Busi o nahana ka metswalle ya hae, Buhle le Luka.
5
“Bana ba bang ba hloka dijo tse fepuwang bana dikolong,” ho bua Busi.
-
O tshwenyehile hore ekaba batswadi ba bona ba tla kgona ho reka dijo tse lekaneng.
6
Bandi a re, “Re lehlohonolo hore ho kwalwa hona ha naha ha ho a re ama ho tsa ditjhelete hae.”
-
“Ke hopotse metswalle yaka haholo,” ke Busi yeo.
7
A tswela pele a re, “Ke kgona ho bua le bona mohaleng, empa ha ho tshwane. Ke rata ho bapala le bona.”
8
Bandi a etsa lenane, “Ke hopotse moya wa sekolong, matitjhere, ho ithuta ntho tse ntjha le ho ba le metswalle ya ka.”
-
Mme o kena kamoreng ya bona.
9
“Banana, ke qeta ho utlwa seyalemoyeng hore dikolo di a bulwa bekeng e etlang,” ke mme yeo a bososela.
-
Busisiwe le Bandile ba thabile haholo!
10

——Dipotso


  1. Hlalosa moelelo wa: ‘kgatello ya tjhelete’, ‘ho ithuta inthaneteng’, ‘lenaneo la dijo’.
  2. Na dikgaitsedi di ne di natefetswe ke ho kwalwa ha naha? Hlalosa karabo ya hao.
  3. Bapisa ho ithuta sekolong le ho ithuta inthaneteng. Ke mokgwa ofe o (theko e tlase) tjhipi?.
  4. Ha ho kwalwa ha naha ho ka etsahala hape, Ke ntho dife tseo o tla dietsa ka tsela e fapaneng le ya pele?
  5. Na hona le dintho tsa bophelo tseo o ithutileng tsona ka nako ya ho kwalwa ha dikolo? Hlalosa.
  6. Hobaneng o nahana hore sekolo se ne se hloka kgalemelo e tebileng le boitelo nakong ya ho kwalwa ha dikolo?
11

——

-
Pale ena e theilwe dirapotong tsa radiyo ya RX. Radiyo ena ke ya inthanete ya bana.
-
Radiyo RX e haswa ho tswa Red Cross War Memorial Children’s Hospital Motseng wa Kapa.
-
RX e thusa bana ho bua dipale ka ditaba tse ba amang tse bohlokwa ho bona.
-
Ketelo seyalemoyeng sa RX
12
Attribution CC BY
Your attribution should include the following:
Title: Ho kwalwa ha dikolo
Author/s: African Storybook
Translator/s: Maria Vaz
Illustrator/s: Busisiwe Ndlovu
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2025

CC BY includes the following elements:
 BY   – Credit must be given to the creator