Kiletšo ya mesepelo dikolong
African Storybook
Busisiwe Ndlovu
Sepedi
Longer paragraphs
Busisiwe le Bandile ba thabile kudu.
-
Dikolo di tswaletšwe ka lebaka la kiletšo ya mesepelo! Ba thabetše go yo dula gae nako ye telele.
1
Ka morago ga dibeke tše hlano tša kiletšo ya mesepelo, basetsana ga ba sa na lethabo.
-
“Ke leka ka maatla go ithuta ka inthanete. Go boima!” Bandile a realo a buša moya.
2
Busi a dumela, “Ke hlologetše go ya sekolong.”
-
“Gabjale, go boledišana ka sehlopha sa phapoši polatefomong ya WhatsApp le thuto ya thelebišene ke sona sekolo!” Bandile a realo.
3
A tšwela pele, “Bjale, sekolo se nyaka maikemišetšo le boikgafo kudu.”
-
Busi a re, “Gape re swanetše re phele re na le data le network.”
4
“Malapa a mantši ga a kgone go fihlelela theko ya data. Ba na le mathata a ditšhelete,” Bandi a realo.
-
Busi o nagana ka bagwera ba gagwe, Buhle le Luka.
5
Busi a re, “Bana ba bangwe ba hloka lenaneo la phepo la sekolong.”
-
O tshwenyegile, “Na batswadi ba bona ba tlo kgona go reka dijo tše di lekanego?”
6
Bandile a re, “Rena ka gae re na le mahlatse. Kiletšo ye ya mesepelo ga se ya re ama gakaalo ka thokong ya ditšhelete.”
-
“Ke tloga ke hlologetše bagwera ba ka kudu,” Busi a realo a bile a buša moya.
7
A tlaleletša, “Nka kgona go bolela le bona mogaleng efela ga go swane le ge ke ba bona. Ke rata go raloka le bona.”
8
Bandile a tšweletša dipelaelo tša gagwe, “Ke hlologetše moya wa kua sekolong, barutiši, go ithuta dilo tše diswa le go ba le bagwera ba ka.”
-
Mma a tsena ka phapošing ya bona.
9
“Basetsana, ke sa tšo kwa mo seyalemoyeng gore dikolo di a bulwa gape beke ye e tlago,” Mma a realo a myemyela.
-
Busisiwe le Bandile ba thabile kudu go kwa seo!
10

——Dipotšišo


  1. Hlaloša tše di latelago: ‘mathata a ditšhelete’, ‘thuto ya inthanete’, ‘lenaneo la phepo’.
  2. Ekaba makgarebe a be a ipshina ka kiletšo ya mesepelo? Hlaloša karabo ya gago.
11

——


Pukukanegelo ye e theilwe godimo ga dipego tša bana tša Radio RX. Radio RX ke seteišene sa seyalemoya sa inthanete sa bana seo se tšweletšwago le go diragatšwa ke bana, ba direla bana.
-
Seteišene se, se gašwa go tšwa Bookelong bja Bana bja Red Cross War Memorial go la Kapa.
-
Radio RX e thuša bana go anega dikanegelo mabapi le ditaba tšeo di lego bohlokwa mo go bona.
-
Etela RX Radio
-
12
Attribution CC BY
Your attribution should include the following:
Title: Kiletšo ya mesepelo dikolong
Author/s: African Storybook
Translator/s: Dikeledi Queen Shai
Illustrator/s: Busisiwe Ndlovu
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator