Tshifhinga tsha nyiledzo ya u tshimbila dzibadani muḓanani
African Storybook
Tammi Mbambo
Tshivenḓa
Longer paragraphs
Langa u khou ya tshikoloni. O bva hayani nga matshelonitsheloni.
-
U dzula kule na tshikolo.
-
O takala nga maanḓa u humela tshikoloni ngauri tshikolo tsho vha tsho vala lwa miṅwedzi minzhi.
1
E nḓilani, u ima ha vho Mandla.
-
Langa ha athu vhona khonani yawe lwa tshifhinga tshilapfu. Vho vha vha songo tendelwa uri vha tambe vhoṱhe.
-
Vhatukana vho takala nahone vha lumelisana nga zwikuḓavhavha zwavho na nga zwikunwane.
2
Vhatukana vha bvela phanḓa vha tshi tshimbila. Vho lavhelela nga maṱo matswuku u swika tshikoloni.
-
Vha takalela u amba nga ha tshifhinga tsha nyiledzo ya u tshimbila dzibadani.
-
“No ita mini uri ni sa kavhiwe nga tshitzhili?” Langa a tshi vhudzisa.
3
“Ri vuwa nga matsheloni ra ṱamba zwanḓa. Ra dovha ra ṱamba zwanḓa ri sa athu ḽa,” hu fhindula Mandla.
-
“Ee, ri fanela u ṱamba zwanḓa tshifhinga tshoṱhe!” hu tenda Langa.
-
“Na u ka maḓi tshifhinga tshoṱhe,” a tshi engedza.
4
“Ndo vha ndi tshi dzula na khonani dzanga fhedzi zwino ndi nga si tsha kona ngauri a no ngo tendelwa u dzula na vhathu vhanzhi,” hu amba Mandla.
-
“Hu na milayo minzhi miswa,” Langa a tshi femuluwa.
5
“Ni fanela u thivha ningo na mulomo musi ni tshi bvela nnḓa. Musi ni tshi hoṱola, ni fanela u thivha mulomo waṋu nga ngomu ha lukuḓavhavha. Musi no no hoṱola ni fanela u ṱamba zwanḓa,” Langa a tshi amba.
6
“Hune nda dzula hone, a ri tsha kona u tamba bola,” Mandla a tshi amba.
-
“Hune nda dzula hone, vhaaluwa a vha tsha kona u wana mishonga yavho kiḽiniki,” hu amba Langa.
7
“Hetshi tshitzhili na nyiledzo ya u tshimbila dzibadani zwo kwama lu si lwavhuḓi vhutshilo ha vhathu vhane vha dzula muḓanani,” hu amba Langa.
-
“A ri tsha kona u ya ḓoroboni ngauri zwiendedzi zwa vhomuthu-munzhi a zwi shumi,” hu amba Mandla.
8
“Vhathu vhane vha ḓitshidza nga u rengisa a vha tsha kona u rengisa,” Mandla a tshi bvela phanḓa.
-
Vhatukana vha a fhumula zwino. Samusi vha tshi khou swika tsini na tshikolo, vha thoma u hwenya.
9
Langa uri, “Uri ndi dzule ndo farakanea, ndo vha ndi tshi kuvha na u thusa u bika. Ndo dovha nda ṱalela thelevishini na u guda.”
-
“Nṋe ndo vha ndi tshi tamba nga boḽa yanga. Ndo vha ndi tshi thusa Mme anga, na u vhala bugu dza nganea,” hu amba Mandla.
-
Vhatukana vha swika tshikoloni nga tshifhinga.
10

——Dzimbudziso


  1. No ita mini u ḓitsireledza kha tshitzhili tsha Corona? Ri humbela uri ni ṱalutshedze.
  2. Kha siaṱari 10, vhatukana vha amba zwa tshifhingani tsho fhiraho. Ṅwalani maipfi avho zwa tou nga vha khou amba zwa ṋamusi (tshifhingani tsha zwino).
  3. Ṅwalani maipfi avho zwa tou nga vha khou amba nga zwa matshelo (tshifhingani tshi ḓaho).
11

——


Heyi nganea yo thewa kha mivhigo ya RX Radio. RX Radio ndi tshiṱitshi tsha radio ya kha inthanethe, ya vhana na yo itelwaho vhana.
-
RX Radio i hasha i ngei Red Cross War Memorial Children’s Hospital, Cape Town.
-
RX Radio i thusa vhana u amba zwiṱori nga ha mafhungo a ndeme ane a vha kwama.
-
Dalelani RX Radio
12
Attribution CC BY
Your attribution should include the following:
Title: Tshifhinga tsha nyiledzo ya u tshimbila dzibadani muḓanani
Author/s: African Storybook
Translator/s: Tshedza Tlhako
Illustrator/s: Tammi Mbambo
Assurer/s: Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator