I-lockdown yesigodzi
African Storybook
Tammi Mbambo
Siswati
First paragraphs
Langa uhamba ngetinyawo uya esikolweni. Uphume ngeluvivi ekhaya.
-
Ekhaya kubo kukhashane nasesikolweni.
-
Ujabule mbamba ngekubuyela esikolweni, ngobe sekuphele tinyanga tikolo tivaliwe.
1
Ufike eme kaboMandla. Sesidze lesikhatsi angamboni umngani wakhe. Bebangakavunyelwa kuyodlala.
-
Labafana labagcwele intfokoto bavuselana ngetinyawo nangemikhono.
2
Labafana bachubeka nendlela, sebajake kuyofika esikolweni.
-
Balangatelela kucoca nge-lockdown.
-
“Yini leniyentile kute nitivikele kuleligciwane?” kubuta Langa.
3
“Besivuka ekuseni sigeze tandla. Besiphindze sitigeze nakufika sikhatsi sekudla,” kuphendvula Mandla.
-
“Vele, kufanele sihlale sitigeza,” kuvuma Langa.
-
“Futsi kufanele sihlale siyewukhelela emanti,” angeta.
4
“Bengivame kutihlalela nebangani bami, kepha nyalo angisakhoni ngobe akukafaneli sihlale nebantfu labanyenti,” kusho Mandla.
-
“Minyenti nalemitsetfo lemisha,” kubalisa Langa.
5
“Kumelwe uvale imphumulo nemlomo nawuya ngephandle. Nawukhwehlela, kufanele ukhwehlelele engcozeni yakho. Nawucedza kukhwehlela kumele ugeze tandla,” kusho nobe kulandzisa Langa.
6
“Endzaweni lengihlala kuyo asisakhoni nekudlala ibhola,” kusho Mandla.
-
“Lapho lengihlala khona, bantfu labadzala abasakhoni kulandza imitsi yabo emtfolamphilo,” kusho Langa.
7
“Lolubhubhane kanye ne-lockdown kuwuhlukumete mbamba umphakatsi wakitsi,” kusho Langa.
-
“Asisakwati ngisho nekuya edolobheni, phela ematekisi asayekele kusebenta,” kusho Mandla.
8
“Bantfu labanyenti labatsengisako sebadvonsa matima ngobe abasakhoni kutsengisa,” kuchubeka Mandla.
-
Sebabindzile nyalo labafana njengobe sebasondzela ngasesikolweni, sebacala kushakutela.
9
Langa utsi, “Kute ngihlale ngimatasatasa, bengiwasha futsi bengisita ngekupheka. Bengiphindze ngibukele ithelevishini futsi bengitadisha.”
-
“Mine, bengitidlalela ibhola. Ngisite Make, ngiphindze ngitifundzele tincwadzi,” kusho Mandla. Labafana befika esikolweni ngesikhatsi.
10

——Imibuto


  1. Yini loyentile kute utivikele egciwaneni le-Corona. Chaza.
  2. Ekhasini 10, labafana basebentisa inkhulumo lesesikhatsini lesengcile. Bhala emavi abo usebentisa inkhulumo yesikhatsi sanyalo.
  3. Bhala emavi abo usebentisa inkhulumo lesesikhatsini lesitako.
  4. Kufanele yini ngaso sonkhe sikhatsi umbonye umlomo nempumulo yakho nawutsimula noma ukhwehlela? Kungani?
  5. Ucabanga kutsi i-Covid-19 yabatsintsa ngendlela lefanako bantfu basemaphandleni nebasemadolobheni? Chaza.
  6. Ngutiphi tintfo lotitsandzako ngendzawo lohlala kuyo?
11

——



Lencwadzi yetindzaba isekelwe embikweni wesiteshi semsakato lokutsiwa yi-RX. I-RX Radio siteshi semsakato sebantfwana lesiku-intanethi, lesisungulwe saphindze sakhelwa bantfwana.
-
I-RX Radio isakatela e-Red Cross War Memorial Children's Hospital eKapa.
-
I-RX Radio isita bantfwana bacoce ngetintfo letibalulekile kubo.
-
Vakashela i-RX Radio
12
Attribution CC BY
Your attribution should include the following:
Title: I-lockdown yesigodzi
Author/s: African Storybook
Translator/s: Simangele Khoza
Illustrator/s: Tammi Mbambo
Assurer/s: Mduduzi Benjie Shongwe
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator