Ukuqinteliswa kwamakhambo esigodini
African Storybook
Tammi Mbambo
isiNdebele
First paragraphs
ULanga uya esikolweni. Usuka ekhaya kusesesekuseni khulu.
-
Ekhabo kude khulu kunesikolo.
-
Uthabe khulu ukubuyela esikolweni, ngombana iinkolo bezivalwe iinyangana.
1
Endleleni, ujama ekhabo likaMandla.
-
ULanga akhange ambone umngani wakhe isikhathi esinengi.
-
Bebangakavunyelwa ukobana badlale.
-
Abasana abathabileko balotjhisana ngeendololwana zabo nangamazwani wabo.
2
Abasana baragela phambili nekhambo labo. Baphokophelele esikolweni.
-
Bathabele ukukhuluma ngokuqinteliswa kwamakhambo.
-
“Wena bewenza ini ukobana uhlale uphephile ungangenwa yingogwana?” kubuza uLanga.
3
“Bengivuka ekuseni ngihlambe izandla zami. Ngihlambe izandla zami godu ngaphambi kobana ngidle,” kuphendula uMandla.
-
“Iye besihlamba izandla zethu ngaso soke isikhathi!” kuphendula uLanga.
-
“Begodu siyokukha amanzi ngaso soke isikhathi,” utjho angezelela.
4
“Bengithanda ukuhlala nabangani bami kodwana njenganje akusakghoneki ngombana awukafaneli uhlale nabantu abanengi,” kutjho uMandla.
-
“Kunemithetho eminengi emitjha,” kuhleka uLanga.
5
“Kufanele uvale iimpumulo zakho nomlomo wakho nawuphumela ngaphandle. Nawukhohlelako kufanele uvale umlomo wakho ngendololwana. Nawuqeda ukukhohlela kufanele uhlambe izandla zakho,” kutjho uLanga.
6
“Lapha ngihlala khona asisakghoni ukudlala ibholo erarhwako,” kutjho uMandla.
-
“Lapha ngihlala khona, abantu abadala abasakghoni nokuthola imitjhoga yabo emtholapilo,” kutjho uLanga.
7
“Ingogwana nokuqinteliswa kwamakhambo kubathinte khulu abantu esigodini sangekhethu,” kutjho uLanga.
-
“Asisakghoni ngitjho nokuya edorobheni ngombana iinthuthi zomphakathi azisakhambi,” kutjho uMandla.
8
“Inengi labantu abathola iimali ngokuthengisa abasakghoni ukuthengisa,” kuraga uMandla.
-
Abasana bathulile kwanjesi. Bayakhambisa njengombana sebatjhidele ukufika esikolweni.
9
ULanga uthi, “Ukobana kube khona engikwenzako, bengizihlambela bese ngisize ngokupheka. Ngibukele nomabonakude bese ngiyafunda.”
-
“Mina, ngirarhe ibholo yami. Ngasiza nomma, ngafunda neencwadi zeendatjana,” kutjho uMandla.
-
Abasana bafika esikolweni ngesikhathi esifaneleko.
10

——Imibuzo


  1. Yini owayenzako ukobana uphephe kilengogwana ye-Corona? Sibawa uhlathulule.
  2. Ekhasini le-10, abasana bakhuluma ngalokho kwesikhathi esadlulako. Tlola amagama wabo kube sengathi bakhuluma ngesikhathi sanje.
  3. Tlola amagama wabo kube sengathi bakhuluma ngesikhathi esizako.
11

——

-
Indatjana esencwadini le imayelana nemibiko yomRhatjho i-RX. Umrhatjho i-RX kusitetjhi somrhatjho wethungelelwano, wenzelwe abantwana bewusetjenziswa bantwana.
-
UmRhatjho i-RX usebenza ukusuka esibhedlela i-the Red Cross War Memorial Children’s Hospital e-Cape Town.
-
UmRhatjho i-RX usiza abantwana ukobana bacoce iindatjana ngezinto eziqakathekileko kibo.
-
Vakatjhela umRhatjho i-RX
12
Attribution CC BY
Your attribution should include the following:
Title: Ukuqinteliswa kwamakhambo esigodini
Author/s: African Storybook
Translator/s: Sponono Mahlangu
Illustrator/s: Tammi Mbambo
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator