Ilanga lamaLungelo wobuNtu
Arnold Mushwana
Thulisile Shongwe
isiNdebele
Longer paragraphs

——


Ilanga lamaLungelo wobuNtu ligidingwa ngomhlaka-21 kuNtaka qobe mnyaka eSewula Afrika.
-
Indatjana le imayelana nomlando nokuqakatheka kweholideyi yomphakathi le.
1
Ngesikhathi sebandlululo, amaSewula Afrika wabantu abanzima bekagandelelwe.
-
Abantu balwa nombuso webandlululo nemithetjhwana yayo engazisiko enebandlululo. Bebalwela ikululeko nokuba namalungelo alinganako.
-
Ngomhlaka-21 kuNtaka qobe mnyaka, inarha ikhumbula abalwelikululeko bayo.
2
Ngomnyaka we-1960 ngomhlaka-21 kuNtaka, abantu be-Sharpville nebeLanga bakhamba bangenela imitjhagalo.
-
Bebatjhagalela imithetho ebandlululako yombuso webandlululo. Batjhagalela ‘umthetho wamapasi’.
-
“Amandla! Ngawethu! Amandla ngewabantu!” kurhuwelela abantu abatjhagalako.
3
E-Sharpville, bebavuma batjhagala ngokuthula batjhinga esitetjhini samapholisa.
-
Lokha amapholisa nakabona iwoma labantu, amapholisa asahlela abatjhagali bekosi laba.
-
Abantu babaleka, abanye balimala. Abanye bahlongakala.
4
Umhlaka-21 kuNtaka wathoma wakhunjulwa njengeLanga le-Sharpville.
-
Ilanga leli lenziwa iholideyi yomphakathi ngemva kwamakhetho wentando yenengi we-1994.
-
Inarha ikhumbula abantu abalwela ikululeko. Kuyindlela yokubathokoza.
5
ISewula Afrika inomThethosisekelo wentando yenengi. Abantu abatlola umThethosisekelo omutjha bebafuna woke umuntu ahloniphe amalungelo wobuntu.
-
UmThethosisekelo weSewula Afrika uveza amalungelo nemisebenzi yabo boke abahlala lapho. Omunye nomunye umuntu unamalungelo afanako.
6
Qobe mnyaka, ngomhlaka-21 kuNtaka kulilanga leholideyi yomphakathi. Ama-ofisi neenkolo kuyavalwa.
-
Kulilanga lokugidinga amalungelo wobuntu. Kulilanga lokugidinga ukulingana.
-
Abantu bagidinga begodu bahloniphe ilanga leli ngeendlela ezihlukeneko.
7
Abantwana bangagidinga ilanga eliqakathekileko leli ngokukhuluma ngamalungelo wabo njengabantu abasesebatjha.
-
Iye abantwana banamalungelo!
-
Amalungelo wabantwana amhlobo okhethekileko wamalungelo wobuntu, ebantwini abangaphasi kweminyaka ye-18 ubudala.
8
Boke abantwana banamalungelo alinganako. Ingabe uyawazi amalungelo wakho?
-
“Ilungelo lokutjhejwa,” kutjho uNtombi.
-
“Ilungelo lokuba nebizo!” kurhuwelela uNsuku.
-
“Ilungelo lokuhlala enarheni,” kutjho uShadrack.
9
“Ilungelo lokuphepha,” kutjho uMelani asemuva.
-
“Ilungelo lokufunda,” kutjho u-Arnold.
-
“Ilungelo LOKUNGALINYAZWA namkha uhlukunyezwe,” kutjho uNhlayiselo.
10
Lawo ngamanye wamalungelo boke abantwana abanawo.
-
Sinamalungelo begodu sinemisebenzi.
-
Sinamalungelo begodu sineembopho.
-
Ngiziphi iimbopho abantwana abanazo?
-
“Isibopho sokwenza imisebenzi yami yekhaya,” kutjho u-Ann.
11
“Isibopho sokutlhogomela umzimba wami nobucopho bami begodu nokuhlala ngiphilile,” kutjho uNsuku.
-
“Umsebenzi wokuphatha abanye abantu ngendlela esifuna nabo basiphathe ngayo,” kutjho uCheyeza.
-
“Isibopho sokusebenza kuhle esikolweni,” kutjho uMixo.
12
“Isibopho sokuhlonipha amalungelo wobuntu,” kutjho uLerato.
-
Omunye nomunye wethu unesibopho sokuhlonipha amalungelo wabanye abantu.
-
Boke abantu bayalingana.
-
Ilanga lamaLungelo wobuNtu limayelana nekululeko nokulingana kwabo boke abantu.
13

——Imibuzo


  1. Kubayini umhlaka-21 kuNtaka kulilanga leholideyi yomphakathi eSewula Afrika?
  2. Ayini amalungelo wobuntu?
  3. Nikela iimbonelo ezintathu zamalungelo wabantwana.
  4. Tholisisa ngomtlolo weSewula Afrika weVikelomalungelo. Yenza irhelo lamalungelo.
14

——Iincwadi eziselungelungeni leli


  • Ilanga lokuBuyisana
  • Ilanga leKululeko
  • Ilanga lamaGugu
  • Ilanga lamaLungelo wobuNtu
  • Ilanga laboMma
  • Ilanga labaSebenzi
  • Ilanga leLutjha
15

——


Indatjana le yatlhanywa begodu yatlolwa ngelimi lesiTsonga, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: Ilanga lamaLungelo wobuNtu
Author/s: Arnold Mushwana
Translator/s: Sponono Mahlangu
Illustrator/s: Thulisile Shongwe
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator