Nga maṅwe matsheloni, zwipuka zwo kuvhangana uri zwi khethe khosi yazwo.Zwipuka na zwikhokhonono zwo fhambananaho zwo mbo ḓi ḓa guvhanganoni.Zwo vha zwo mangala zwoṱhe. Dzinḓou, phukha khulwanesa, dzo vha dzi siho muṱanganoni.

Muṱangano wa bvela phanḓa naho dzinḓou dzi siho.“Ri ḓo fara dzikhetho naho dzinḓou dzi siho. Ri fanela u ḓivha khosi yashu ṋamusi,” hu amba Gwitha.

Zwipuka zwa khetha Sunzi sa khosi ntswa.Sunzi a tenda u vha murangaphanḓa naho a tshi khou ofha.“Ndi vhuḓifhinduleli vhuhulwane vhu katelaho mushumo munzhi,” a tshi humbula.

Mafhungo a uri Sunzi o khethiwa sa khosi a phaḓalala nga u ṱavhanya.A swika nḓevheni dza mukololo wa dzinḓou.O vha o sinyuwa zwihulu.

Mukololo wa dzinḓou a ya ḓakani u ṱoḓa zwiḽiwa.O vha e na maanḓa nahone a sa ṱhonifhi muthu, zwihuluhulu zwivhumbiwa zwiṱukuṱuku zwi ngaho vhusunzi.O vha e si na ndavha uri o dzhena hayani ha vhusunzi.

Mukololo a re na maanḓa a kandekanya danda musi a tshi khou tshimbila. Vhusunzi vhunzhivhunzhi ha shavha!Khosi ntswa yo khethiwaho Sunzi ya kokovha ya swika nga ngomu ngomu ha musingo wa mukololo.Sunzi a ri, “Ni fanela u ṱhonifha muṅwe na muṅwe.” A luma mukololo lunzhilunzhi.

Mukololo wa nḓou a lila nahone a humbela pfarelo.Ḽeneḽo ḓuvha o ya hayani o ṱungufhala a si na zwiḽiwa.Dziṅwe nḓou dzo vha dzo mangala nga ha mafhulufhedziso e mukololo wavho a a vhudza Khosi Sunzi.

Nḓou dzo vha dzo takala u vhona uri mukololo wavho o vhuya.Dzo vha dzi si na ndavha uri Sunzi ndi khosi.Masunzi o vhusa naho o vha e maṱukuṱuku.