Mo mosong mongwe, diphologolo di ne tsa kopana go tlhopha kgosi ya tsona.Diphologolo tse di farologaneng le ditshenekegi tsa tla kopanong.Tsotlhe di ne di maketse, Ditlou, diphologolo tse dikgolo, di ne di sa tsenela kopano.

Kopano ya tswelela kwa ntle ga ditlou.“Re tla tshwara ditlhopho le fa ditlou di se teng. Re tshwanetse go itse kgosi ya rona gompieno,” ga bua Morubisi.

Diphologolo tsa tlhopha Tshoswane jaaka kgosi e ntšhwa.Tshoswane ya dumela go nna moetapele le fa e ne e tshaba.“Ke maikarabelo a magolo le go tsenyeletsa tiro e ntsi,” ya nagana.

Dikgang tsa gore Tshoswane e tlhophilwe jaaka Kgosi tsa phasalala ka bonako.Tsa fitlhelela mo ditsebeng tsa kgosana ya ditlou.O ne a tenegile.

Kgosana ya ditlou ya ya kwa sekgweng go ya go batla dijo.E ne e na le maatla e sa tlotle ope, segolo jang diphologolo tse dinnye jaaka ditshoswane.E ne e sa kgathale gore e tseneletse kgaolo ya ditshoswane.

Kgosana e e maatla ya gataka seolo fa e ntse e tsamaya. Losaisai lwa ditshoswane lwa tswa lo siana go tswela kwa ntle!Kgosi e ntšhwa e e tlhophilweng Tshoswane ya gagabela go tsenelela kwa gare ga mmele wa kgosana.Tshoswane ya re, “O tshwanetse go tlotla mongwe le mongwe.” Ke fa a loma kgosana ga ntsintsi.

Kgosana e nnye ya tlou ya lela ya kopa maitshwarelo.Letsatsi leo ya boela gae e utlwile botlhoko kwa ntle ga dijo.Ditlou tse dingwe ke fa di makaletse ditsholofetso tse di dirilweng ke kgosana ya tsona kwa go Kgosi Tshoswane.

Ditlou di ne di itumeletse gore kgosana e boetse kwa go tsona.Di ne di sa kgathale gore Tshoswane ke kgosi.Ditshoswane tsa busa le fa di le tse di nnye.