Mesong ye mengwe, diphoofolo di ile tša kopana gore di kgethe kgoši ya tšona.Diphoofolo tša go fapafapana le dikhunkhwane di tlile kopanong.Ka moka ga tšona di be di maketše.
Ditlou, diphoofolo tše dikgolo di be di se gona kopanong.

Kopano e ile ya tšwela pele ntle le ditlou.“Dikgetho di tla tšwela pele le ge ditlou di se gona. Re swanetše go tseba kgoši ya rena lehono,” Leribiši la realo.

Diphoofolo tša kgetha Tšhošwane go ba kgoši ye mpsha.Tšhošwane, le ge e be e na le letšhogo, ya dumela go ba moetapele.“Ke maikarabelo a magolo a go nepiša mošomo wo montši,” ya nagana.

Ditaba tša go kgethwa ga Tšhošwane bjale ka kgoši di ile tša phatlalala ka lebelo.Ditaba tša fihla ditsebeng tša kgošana ya ditlou.E ille ya befelwa kudu.

Kgošana ya ditlou ya ya sethokgweng go yo nyaka dijo.E be e na le maatla ebile e tletše ka lenyatšo, kudu go diphedi tše dinnyane tša go swana le ditšhošwane.E be e se na taba gore e šwahletše seleteng sa ditšhošwane.

Kgošana e be e eta e robaganya dikota ka maatla a yona ge e sepela. Ditšhošwane tša tšwa tša ipha naga.Kgoši ye mpsha, Tšhošwane ya gogoba, ya tsena ka gare ga mmogo wa kgošana ya ditlou.Tšhošwane ya re, “O swanetše go hlompha batho ka moka.” Ya loma kgošana makga a mmalwa.

Kgošana ya ditlou ya lla, ya ba ya kgopela tshwarelo.Ka lona letšatši leo, ya boela gae e nyamile e se na dijo.Ditlou tše dingwe di makaditšwe ke go kwa ka ditshepišo tšeo kgošana ya tšona e di dirilego go Kgoši Tšhošwane.

Ditlou di be di thabetše go bona kgošana ya tšona e boile gae e bolokegile.Di be di se na taba gore Tšhošwane ke kgoši.Ditšhošwane di ile tša buša le ge di nyatšegile.