Langa limbe, izilwane zahlangana ekuseni ukuzokhetha inkosi yazo.Izinhlobo ngezinhlobo zezilwane nezinambuzane zahlangana kulo mbuthano.Zamangala ukuthola ukuthi izindlovu nokuyizilwane ezinkulu kunazo zonke zazingekho emhlanganweni.

Umhlangano waqhubeka nakuba zingekho izindlovu.“Sizoqhubeka ngokhetho lwethu noma izindlovu zingekho. Kumele sazi ukuthi ngubani inkosi yethu namhlanje,” kusho isikhova.

Izilwane zakhetha uNtuthwane ukuba abe yinkosi entsha.UNtuthwane wavuma ukuba ngumholi nakuba wayenovalo.“Lesi isibopho esizoba umthwalo omkhulu kanjalo nomsebenzi okumele ngiwenze,” ecabanga.

Zabhebhetheka ngokushesha izindaba ezithi uNtuthwane nguyena okhethwe ukuba yinkosi entsha.Zafika ezindlebeni zenkosana yezindlovu.Yathukuthela yagana unwabu.

Inkosana yezindlovu yahamba yaya ehlathini ukuyofuna ukudla.Yayinamandla futhi ingahloniphi nasinye isilwane, ikakhulukazi izilwanyana ezincane njengezintuthwane.Yayingenandaba nokuthi inyathela endaweni yezintuthwane.

Isahamba inkosana enamandla, yavele yanyathela yagxoba ugodo. Zaphuma izintuthwane ngobuningi bazo.UNtuthwane oweyesanda kukhethwa ukuba yinkosi entsha, wavele wangena phakathi embokweni wenkosana yendlovu.UNtuthwane wathi, “Kumele usihloniphe sonke,” isho iluma inkosana yendlovu kaningi.

Inkosana yendlovu encane yakhala icela uxolo.Yaphindela ekhaya idumele ngalelo langa futhi ingakutholanga nokudla.Ezinye izindlovu zamangala ngezethembiso ezenziwa yinkosana yazo kunkosi uNtuthwane.

Izindlovu zazijabulele ukuthi inkosana yazo ibuyile kuzo.Azikushayanga mkhuba ukuthi uNtuthwane wabe eyinkosi.Izintuthwane zaqhubeka nokubusa nakuba zabe ziyizilwanyana ezincane.