Ngaminazana ithile izilwanyana zadibana zaba nentlanganiso zifuna oza kuzilawula phakathi kwazo.Zeza zonke izilwanyana zahlangana kwakunye nezinambuzane.Into eyamangalisayo kukungabikho kweendlovu njengoko izizilwanyana ezikhulu kunezinye.

Yaqhubeka intlanganiso yovoto noxa zazingekho iindlovu.“Siza kubamba unyulo nokuba iindlovu azikho. Kufuneka siyazi inkosi yethu namhlanje,” utshilo uSikhova.

Izilwanyana zavotela ukuba ikumkani yazo ibe nguMbovane.Naye uMbovane wavumela phezulu, noxa wayezazi ukuba udelekile, kungoko wayesoyika.“Luxanduva olukhulu olu kwaye lubandakanya umsebenzi omkhulu,” wazicingela uMbovane.

Iindaba zokuba uMbovane unyulwe waba yinkosi zasasazeka ngokukhawuleza.Zafika ezo ndaba ezindlebeni zenkosana yeendlovu.Yavutha ngumsindo inkosana.

Iindlovu zathuma inkosana yazo ukuba iyokufuna ukutya ehlathini.UNkosana uNdlovu wayezithembile kuba wayezazi ukuba unamandla kwaye akanalo tu ixesha leembovane.Wayengenaxesha lokuba uhamba kumhlaba wazo iimbovane ezo

Ngenxa yamandla eyayinawo inkosana, yaphula isikhondo somthi ngeli xesha ihambayo. Kwaphuma iimbovane ezininzi! Elo laba lithuba likaKumkani uMbovane lokungena nzulu embokweni wenkosana.UMbovane wathi, “Umele ukuhlonipha wonke umntu.” Wayiluma inkosana amaxesha amaninzi.

Inkosana yeendlovu yakhala icela uxolo, yathembisa ukuba iya kukwenza nantoni na efunwa nguMbovane, icela nje angambulali.Indlovu yagoduka idanile ingakuphethanga noko kutya.Zazixakiwe zimangalisiwe ezinye iindlovu ngezithembiso inkosana ethe yazenza kuKumkani uMbovane.

Ezinye iindlovu zavuyela nje ukubona inkosana yazo iphilile.Zazingakhathali nokuba uMbovane unguKumkani.Iimbovane zalawula noxa zazincinci ngokwemizimba nendalo yazo.