Ngelinye ilanga ekuseni, iinlwana zahlangana ukobana zizokukhetha ikosi.Iinlwana neenunwana ezihlukeneko zeza lapha kwakuhlangenwe khona.Zoke njalo zazirarekile. Iindlovu, iinlwana ezikhulu akhange ziwukhambele umhlangano.

Umhlangano waragela phambili ngaphandle kweendlovu.“Sizakubamba amakhetho nanyana iindlovu zingekho. Kufanele siyazi ikosi yethu namhlanjesi,” kutjho isiKhova.

Iinlwana zavowuda zabeka uTjhontjhwana ikosi etja.UTjhontjhwana wavuma ukuba mdosiphambili nalokha bekathukiwe.“Kumsebenzi omkhulu khulu lo,” watjho acabanga.

Iindaba zokobana uTjhontjhwana ukhethwe njengekosi zarhatjheka msinya.Zagijima bezafika ekosaneni yeendlovu.Yasilingeka yazala ipotjwana.

Ikosana yeendlovu yakhamba yatjhinga ehlathini yayokufuna ukudla.Yabe inamandla begodu ingahloniphi muntu, yabe ingazihloniphi nakancani iinunwana ezifana nabotjhontjhwana.Yabe inganandaba nokuthi ithatha indawo yabotjhontjhwana.

Ikosana enamandla yahliphiza isigodo lokha nayikhambako. Umhlambi wabotjhontjhwana waphuma wabaleka.Ikosi ekhethiweko uTjhontjhwana wakhasa wakhamba wayokukhalakatheka ngaphakathi komzimba wekosana.UTjhontjhwana wathi, “Kufanele uhloniphe boke abantu.” Waluma ikosana le amahlandla amanengana.

Ikosana encani yendlovu yalila beyabawa ukulitjalelwa.Mhlokho yaya ekhaya idanile begodu inganakho nokudla.Ezinye iindlovu zazirarekile ngeenthembiso ikosana yazo ezenze eKosini uTjhontjhwana.

Iindlovu zazithabile bona ikosana yazo ibuyele kizo. Azange bezibe nendaba ngokobana uTjhontjhwana bekayikosi.Abotjhontjhwana babusa nalokha babancancani nje.