U tsireledzea kha inthanethe
Patricia Ndlovu
Sibusiso Khumalo
Tshivenḓa
Longer paragraphs
Inthanethe i ita uri ni gude, u tamba mitambo, u renga, na u amba na khonani dzaṋu u fana na nḓila ine na zwi ita ḓuvha na ḓuvha.
-
I nga vha fhethu ha khombo kha vhana.
-
Ndi ngauri hu na vhathu vhane vha shumisa inthanethe vhe na zwiitisi zwivhi.
1
Vhathu vhavhi vha shumisaho inthanethe ndi:
  • Mbava dza vhuṋe.
  • Vhatambudzi vhane vha ḓo ni shonisa, kana u ni tsitsa tshirunzi.
  • Vhane vha ḓidzumba kha inthanethe vha vhumba vhushaka na inwi nga tshipikwa tsha u ni tambudza.
Ni ḓo vhala zwinzhi kha masiaṱari a tevhelaho.
2
U dzula no tsireledzea kha mbava dza vhuṋe, ni songo dzhenisa haya mafhungo kha inthanethe:
  • Dzina ḽa vhukuma.
  • Nomboro dza luṱingo.
  • Ḓiresi ya hayani.
  • Zwidodombedzwa zwa muṱa waṋu.
  • Hune na dzhena hone tshikolo.
Haya mafhungo a leludzela mbava dza vhuṋe uri dzi ḓiite inwi kha inthanethe.
3
Muthu ane a shengedza kha inthanethe ndi ane:
  • A amba mazwifhi nga inwi.
  • A ni kolela.
  • A wanala kha zwirathisi zwa mafhungo, kha zwa vhudavhidzani, kha zwa mitambo, na kha dziimeiḽi.
Vhudzani muthu ane na mu fulufhela arali ni tshi khou tambuzwa vhutshiloni kana kha inthanethe.
4
Vhane vha ḓidzumba kanzhi ndi vhaaluwa. Vha nga lingedza:
  • U wana zwidodombedzwa zwaṋu.
  • Uri ni vha fhulufhele.
  • U ḓiita vhavhuya, na u ita u nga vha na ndavha na inwi na uri vha vhilaela nga ha inwi.
  • U humbela tshinepe tshaṋu.
  • U ri ni ite zwithu zwa khombo.
Ḓilindeni kha vhathu musi ni kha inthanethe.
5
A ri wani vhathu vhavhi fhedzi kha inthanethe. Hu dovha ha vha na mafhungo a mazwifhi na a huvhadzaho.
-
Ni songo fulufhela zwithu zwoṱhe zwine na zwi vhala kha inthanethe.
-
Humbelani mubebi kana mudededzi a ni thuse u vhona arali mafhungo a re kha inthanethe e ngoho kana e mazwifhi.
6
Musi ni tshi khou shuma kha inthanethe:
  • Ivhani na vhuḓifhinduleli.
  • Ṱhonifhani vhaṅwe.
  • Fhaṱuwani.
Arali na ita zwenezei zwithu zwoṱhe, ni ḓo tsireledzea kha inthanethe.
7
Musi ni tshi phosta mafhungo na zwinepe kha inthanethe, ni ḓo ḓifhindulela kha zwine na zwi posta.
-
Humbulani ni sa athu phosta.
-
Mafhungo kana zwifanyiso zwine na zwi phosta zwi nga shumiswa luvhi kha inwi kana muṱa wa haṋu.
-
Inthanethe a i hangwi zwe na zwi phosta, naho na zwi diḽitha.
8
Ḓiṱhonifheni ni ṱhonifhe na vhane vha shumisa inthanethe: nga zwine na amba, zwine na phosta, na zwine na ita.
-
Ni songo vha na ṱhoni dza u vhudza vhabebi vhaṋu nga zwine zwa itea kha inthanethe, kana muthu ane na ṱangana nae kha inthanethe.
9
Ni dzule no fhaṱuwa musi ni kha inthanethe. A si vhoṱhe vhane vha vhonala vhe khonani dzaṋu, vha re khonani dzaṋu dza vhukuma.
-
Shumisani mafhungo a re kha heyi bugu u ni livhisa u ri ni dzule no tsireledzea kha inthanethe.
10

——Dzimbudziso


  1. Bulani zwithu zwivhili zwine na nga zwi ita kha inthanethe.
  2. Bulani mifuda miraru ya vhathu vhane vha ita zwithu zwivhi kha inthanethe.
  3. Ndi ngani zwi zwa ndeme u humbela muthu muhulwane uri a ni thuse musi ni tshi khou shumisa inthanethe?
  4. Ṅwalani zwithu zwivhili zwine a no ngo tea u zwi dzhenisa kha inthanethe.
  5. Ni fanela u ita mini musi ni tshi pfa ni songo tsireledzea kha inthanethe?
11

——


Heyi bugu ndi iṅwe i re kha mutevhe wa bugu nṋa dzi ambaho nga thero ya thekinolodzhi ya khomphyutha.
-
Bugu ya tshiṱori yo sikwa na u ṅwalwa sa tshipiḓa tsha thandela ya matheriaḽa ya u vhala ya Zenex Ulwazi Lwethu nga 2021.
12
Attribution CC BY
Your attribution should include the following:
Title: U tsireledzea kha inthanethe
Author/s: Patricia Ndlovu
Translator/s: Doris Manyamalala
Illustrator/s: Sibusiso Khumalo
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator