Kuphepha ku-inthanethi
Patricia Ndlovu
Sibusiso Khumalo
Siswati
Read aloud
I-inthanethi ikunika litfuba lekutsi ufundze, udlale imidlalo, utsenge, kanye nekutsi ukhulume nebangani bakho njengoba ukwenta malanga onkhe ekuphila kwakho.
-
Ingaphindze futsi ibe yindzawo leyingoti kubantfwana.
-
Loku kungenca yekutsi kunebantfu lasebentisa i-inthanethi ngetizatfu letimbi.
1
Naba labanye bebantfu lababi labasebentisa i-inthanethi:
  • Tigebengu leteba imininingwane letiye tintjontje imininingwane yakho sicu.
  • Basusi beluchuku labaye bakuhluphe, bakuhlazise, nobe bakuphoce.
  • Bantfu labakhohlakele labakha bungani nawe ku-inthanethi, ngenhloso yekukuhlukubeta.
Utawufundza kabanti ngaloku emakhasini lambalwa lalandzelako.
2
Kute uphephe kumasela lantjontja imininingwane, akukafanele wabelane ngalemininingwane yakho sicu nalabanye ku-inthanethi:
  • Libito lakho mbamba.
  • Tinombolo telucingo.
  • Likheli lasekhaya.
  • Imininingwane lemayelana nemndeni wakho.
  • Kutsi ufundza kusiphi sikolwa.
Lemininingwane yenta kube lula ngemasela lantjontja imininingwane kutsi angatenta wena ku-inthanethi.
3
Umsusi weluchuku ku-inthanethi ngumuntfu lowenta loku:
  • Wabelana futsi aphoste tintfo letimbi ngawe.
  • Ngulokuphatsa kabi.
  • Ngulosetinkhundleni tekuchumana, etingosini tekuceketsa kanye nakuma-imeyili.
Tjela umuntfu lometsembako nangabe ukhatsatekile ngekuchukulutwa ekuphileni kwangempela noma ku-inthanethi.
4
Bantfu labakhohlakele ku-inthanethi kuvame kutsi kube bantfu baladzala. Kungenteka betame:
  • Kutfola yonkhe intfo ngawe.
  • Bakhe buhlobo nawe kute utobetsemba.
  • Babonakale babahle, banemusa, futsi banakekelana.
  • Bacele sitfombe sakho.
  • Bakuncenge kutsi wente tintfo letinebungoti.
Caphela kutsi uhlangana nabobani ku-inthanethi.
5
Ku-inthanethi asitfoli bantfu lababi kuphela. Kukhona futsi nelwati lolungemanga naloluyingoti.
-
Ungaboyikholelwa yonkhe intfo loyifundza ku-inthanethi kutsi iliciniso.
-
Cela umtali nobe thishela kutsi akusite uhlole kutsi lwati loluku-inthanethi luliciniso yini nobe ngemanga.
6
Ngesikhatsi usebenta ku-inthanethi:
  • Bani nesibopho.
  • Bani nenhlonipho.
  • Caphela.
Nangabe wenta konkhe loku, utophepha ku-inthanethi.
7
Nangabe ufaka lwati kanye netitfombe ku-inthanethi unesibopho lesiphelele saloko lokufakile.
-
Cabangisisa kahle ngaphambi kwekufaka nobe yini.
-
Lwati nobe titfombe lotifakako tingasetjentiselwa kumelana nawe nobe nemndeni wakho.
-
I-inthanethi akwenteki ikukhohlwe loke wakufaka kuyo, ngisho noma sewukususile.
8
Tihloniphe wena kanye nalabanye basebentisi be-inthanethi: ngaloko lokushoko, ngaloko lokufakako, kanye nangaloko lokwentako.
-
Ungabi nemahloni ekutjela batali bakho ngayo yonkhe intfo leyentekako ku-inthanethi, nobe ngebantfu lohlangana nabo ku-inthanethi.
9
Caphela ngaso sonkhe sikhathi nangabe uku-inthanethi. Akusiye wonkhe umuntfu lobonakala angumngani wakho, longumngani wakho sibili.
-
Sebentisa lwati lolukulencwadzi kute lukuvikele uhlale uphephile ku-inthanethi.
10

——Imibuto


  1. Shano tintfo letimbili longatenta ku-inthanethi.
  2. Shano tinhlobo letintsatfu tebantfu labenta tintfo letimbi ku-inthanethi.
  3. Kungani kubalulekile kutsi ucele umuntfu lomdzala akusite nangabe usebentisa i-inthanethi?
  4. Bhala phansi tintfo letimbili lokungakafanele wabelane ngato ku-inthanethi.
  5. Yini lokufanele uyente nangabe utiva ungakaphephi ku-inthanethi?
11

——


Lencwadzi ingulenye yeluchungechunge lwetincwadzi letine letetfula tihloko tebuchwepheshe bangcondvomshini.
-
Lencwadzindzaba icanjelwe tintfo tekufundza tephrojekthi yeZenex Ulwazi Lwethu nga-2021.
12
Attribution CC BY
Your attribution should include the following:
Title: Kuphepha ku-inthanethi
Author/s: Patricia Ndlovu
Translator/s: Mduduzi Benjie Shongwe
Illustrator/s: Sibusiso Khumalo
Assurer/s: Simangele Khoza
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator