Go bolokega ga inthanete
Patricia Ndlovu
Sibusiso Khumalo
Sepedi
Longer paragraphs
Inthanete e go fa sebaka sa go ithuta, go bapala dipapadi, go reka le go bolela le bagwera ba gago go swana le ka mokgwa woo o dirago letšatši le lengwe le le lengwe.
-
Inthaneteng e ka ba lefelo le kotsi baneng.
-
Lebaka ke gore batho ba bangwe ba šomiša inthanete ka maikemišetšo a mabe.
1
Batho ba bangwe ba babe bao ba šomišago inthanete ke:
  • Mahodu a go utswa boitsebišo bja gago.
  • Bomphenyašilo ba inthanete ba go go tshwenya, go go hlabiša dihlong goba go go tlontlolla.
  • Batho ba go go hlohleletša go ikamantšha le bona ka bofora gore ba go hloriše.
Bala go iša pele ka se matlakaleng a a latelago.
2
Gore o dule o bolokegile go mahodu a boitsebišo, o se ke wa abelana ka tshedimošo ya gago inthaneteng:
  • Leina la gago la nnete.
  • Dinomoro tša gago tša mogala.
  • Aterese ya moo o dulago.
  • Tshedimošo ka ba geno.
  • Leina la sekolo sa gago.
Tshedimošo ye e thuša mahodu gore a kgone go itira wena inthaneteng.
3
Mphenyašilo wa inthanete ke motho wa:
  • Go abelana ka ditaba tše mpe ka wena.
  • Wa go go hloya.
  • O hwetšagala dipoledišanong tša inthanete, dipapading le diemeiling.
Botša motho yo o mo tshepago ge o belaela gore go na le mphenyašilo mo bophelong bja nnete goba inthaneteng.
4
Bomphenyašilo ba inthanete gantši ke batho ba bagolo. Ba ka leka go:
  • Nyakišiša dilo ka moka ka wena.
  • Netefatša gore o mo tshepe.
  • Go laetša a lokile, ebile a na le tlhokomelo.
  • Kgopela seswantšho sa gago.
  • Go go hlohleletša gore o dire dilo tše kotsi.
Hlokomela gore o kopana le mang inthaneteng.
5
Ga se batho ba babe fela bao re ba hwetšago inthaneteng. Go na gape le tshedimošo ya maaka ya kotsi.
-
O se ke wa kgolwa dilo ka moka tše o di balago inthaneteng.
-
Kgopela motswadi goba morutiši wa gago gore a go thuše go netefatša ge eba tshedimošo e nepagetše goba e fošagetše.
6
Ge o šoma inthaneteng:
  • Eba le maikarabelo.
  • Eba le tlhompho.
  • Ela tlhoko.
O tla bolokega ge o ka dira tše ka moka ge o le inthaneteng.
7
Tshedimošo le diswantšho tšeo o di pharago inthaneteng ke maikarabelo a gago ka botlalo.
-
Nagana gabotse pele o phara selo inthaneteng.
-
Tshedimošo goba diswantšho tše o di pharago di ka šomišwa kgahlanong le wena goba ba geno.
-
Inthanete ga e lebale se o se pharago, le ge o ka se phumola.
8
Itlhomphe o be o hlomphe le batho ba bangwe inthaneteng: ka se o se bolelago, se o se pharago le se o se dirago.
-
O se ke wa lewa ke dihlong go botša batswadi ba gago ka se se diregago goba ka batho ba o kopanago le bona inthaneteng.
9
O dule o phafogile ge o le inthaneteng. Ga se batho ka moka bao ba tlo bago bagwera ba gago.
-
Šomiša tshedimošo ye e lego pukung ye go go hlahla gore o dule o bolokegile ge o le inthaneteng.
10

——Dipotšišo


  1. Efa dilo tše pedi tše o ka di dirago inthaneteng.
  2. Efa mehuta ye meraro ya batho bao ba dirago dilo tše mpe inthaneteng.
  3. Gobaneng go le bohlokwa gore o kgopele thušo go motho yo mogolo ge o šomiša inthanete?
  4. Ngwala dilo tše pedi tšeo o sego wa swanela go abelana ka tšona inthaneteng.
  5. Ke eng seo o swanetšego go se dira ge o ikwa o se wa bolokega inthaneteng?
11

——


Puku ye ke ye nngwe ya tlhatlamano ya dipuku tše nne tša go tsebiša direrwa tša thekenolotši ya khomphutha.
-
Puku ye ya dikanegelo e hlametšwe ba Zenex Ulwazi Lwethu bjalo ke projeke ya go bala ya 2021.
12
Attribution CC BY
Your attribution should include the following:
Title: Go bolokega ga inthanete
Author/s: Patricia Ndlovu
Translator/s: Connie Makgabo
Illustrator/s: Sibusiso Khumalo
Assurer/s: Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator