Ukuphepha ethungelelwaneni
Patricia Ndlovu
Sibusiso Khumalo
isiNdebele
Read aloud
Ithungelelwano likunikela ithuba lokufunda, ukudlala imidlalo, ukuthenga nokukhuluma nabangani bakho njengalokha wenza epilweni yakho yangamalanga.
-
Lingaba yindawo eyingozi khulu ebantwaneni.
-
Lokhu kungebanga lokobana kunabantu abathatha ithungelelwano balisebenzisele izinto ezingakalungi.
1
Abanye babantu abangakalungi abasebenzisa i-ithungelelwano ngilaba:
  • Ziinlelesi zabomazisi ezeba imininingwana yakho.
  • Abadlelezeli bethungelelwano abakutlhorisako, bakuhlambalaze namkha bakuphathise iinhloni.
  • Abasizi ku-onlayini ababa nobudlelwano nawe ethungelelwaneni ngomnqopho wokukutlhorisa.
Uzakufunda okunengi ngalokhu emakhasini ambalwa alandelako.
2
Ukuhlala uphephile kilezonlelesi zabomazisi, ungathomi wabelane ngelwazi lakho ethungelelwaneni:
  • Ibizo lakho lamambala.
  • Iinomboro zemitato.
  • Isiphande sekhaya.
  • Imininingwana yomndeni wakho.
  • Ukobana ufunda kuphi isikolo.
Ilwazeli lenza kube lula ukobana iinlelesi zabomazisi zizenze sengathi zinguwe ku-onlayini.
3
Umdlelezeli ethungelelwaneni mumuntu owenza lokhu:
  • Owaba bese uthumela izinto ezimbi ngawe.
  • Oba nehliziyo embi kuwe.
  • Oba seenkundleni zokuthintana, eenkundleni zokucoca, eenkundleni zemidlalo nakuma-imeyili.
Tjela omunye umuntu omethembako nangabe utshwenyekile ngomuntu loyo
-
okutlhorisako epilweni yakho yamambala namkha ku-onlayini.
4
Abasizi ku-onlayini kuvamise ukuba babantu abadala. Bangazama ukwenza lokhu:
  • Ukuthola yoke into ngawe.
  • Ukwakha ubudlelwano bokuthembana nawe.
  • Ukuzenza bahle, bazenze abanomusa nabanezwelo.
  • Babawe isithombe sakho.
  • Bakukhuthaze ukobana wenze izinto eziyingozi.
Tjheja bona uhlangana nobani ethungelelwaneni.
5
Ingasi ukobana sithola abantu abambi kwaphela ethungelelwaneni. Kukhona godu nelwazi elimamala neliyingozi.
-
Ungakholwa yoke into oyifunda ethungelelwaneni uyithathe njengeliqiniso.
-
Bawa umbelethi namkha utitjhere akusize ukuhlola bona ingabe ilwazi elisethungelwaneni leli liliqiniso namkha limamalana.
6
Lokha nawusebenza ngethungelelwano:
  • Iba nokuziphendulela.
  • Hlonipheka.
  • Hlala uvule amehlo.
Nange wenza koke lokhu, uzakuphepha ethungelelwaneni.
7
Lokha nawufaka ilwazi neenthombe ethungelelwaneni uziphendulela ngokuzeleko ngalokho okufakako.
-
Cabangisisa kuhle ngaphambi kokufaka enye nenye into.
-
Ilwazi namkha iinthombe ozifakako zingasetjenziselwa ukukhuluma wena nomndenakho kumbi.
-
Ithungelelwano alikukhohlwa lokho okuthumelako, nalokha nawukususako.
8
Zihloniphe wena nabanye abantu abasebenzisa ithungelelwano: ngalokho okutjhoko, lokho okuthumelako begodu nalokho okwenzako.
-
Ungathomi ube neenhloni ukutjela ababelethi bakho ngenye nenye into eyenzeka ethungelelwaneni, namkha ngomunye nomunye umuntu ohlangana naye ku-onlayini.
9
Yelela ngaso soke isikhathi lokha nawusethungelelwaneni. Ingasi woke umuntu ozenza umnganakho, umnganakho.
-
Sebenzisa ilwazi encwadini le ukobana likuyelelise uhlale uphephile ethungelelwaneni.
10

——Imibuzo


  1. Itjho izinto ezimbili ongakghona ukuzenza ethungelelwaneni.
  2. Itjho imihlobo emithathu yabantu abenza izinto ezimbi ethungelelwaneni.
  3. Kubayini kuqakathekile ukobana ubawe umuntu omdala bona akusize lokha nawusebenza ethungelelwaneni?
  4. Tlola izinto ezimbili ongakafaneli bona uzifake ethungelelwaneni.
  5. Kufanele wenzeni lokha nawuzizwa ungakaphephi ethungelelwaneni?
  6. Hlathulula nanyana ngimiphi imihlobo emibili yelwazi elivela ku-inthanethi elingaba limbi kuwe.
  7. Akusimumuntu woke obonakala amnganakho, omnganakho ngokweqiniso! Kutjho ukuthini lokhu?
  8. Uhlola njani bona ilwazi olifunde ku-inthanethi liliqiniso?
11

——


Incwadi le ingenye yeencwadi ezine ezililungelunge ezethula iinhloko zethekhnoloji yekhomphyutha.
-
Incwajana yendatjana le yenzelwe iphrojekthi yamamatheriyali wokufunda we-Zenex Ulwazi Lwethu ngomnyaka we-2021.
12
Attribution CC BY
Your attribution should include the following:
Title: Ukuphepha ethungelelwaneni
Author/s: Patricia Ndlovu
Translator/s: Sponono Mahlangu
Illustrator/s: Sibusiso Khumalo
Assurer/s: Vusi Mahlangu
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator