Tebello Nyokong, Muḓivhi wa saintsi a lwisanaho na khentsara
Nomsa Angelina De Wee
Simon Lehlohonolo Mokoena
Tshivenḓa
Longer paragraphs

——


Tebello Nyokong ndi muḓivhi wa saintsi wa ndeme wa Afurika Tshipembe.
-
Nḓivho yawe I thusa u alafha na u phulusa vhathu vha re na malwadze mahulwane.
1
Tebello o aluswa nga makhulu vha mukegulu na vha mukalaha ngei Lesotho. Vho mu alusa zwavhuḓi.
-
Ḓuvha ḽithihi o vha a tshi ṱhogomela nngu, ḓuvha ḽi tevhelaho a ya tshikoloni. O vha a tshi dzhena tshikolo nga yeneyo nḓila.
2
Musi Tebello a tshi ṱhogomela nngu o guda na nga ha zwiṅwe zwifuwo na zwimela.
-
Tebello o vha e na dzangalelo kha zwithu zwo mu tangaho. O vha a tshi funa u ḓivha zwithu.
-
O guda zwinzhi nga ha tsiko na zwifuwo he a alutshela hone ngei mahayani.
3
Tebello o vha a tshi ṱoḓa u guda Saintsi tshikoloni.
-
Vho mu vhudza uri a songo vhuya a lingedza.
-
Vha amba uri Saintsi i ya konḓa nahone a si ya vhasidzana ndi ya vhatukana.
-
U thomani o vha thetshelesa. Khonani dzawe dzo vha dzi tshi khou ita dziṅwe ngudo tshikoloni.
4
Fhedzi Tebello o vha a tshi funa Saintsi. O vha a tshi zwi ḓivha uri i nga si mu balele.
-
O humbela uri a gude Saintsi, mafheleloni vha mu tendela nahone o vha a tshi i kona.
-
O thoma u guda Saintsi miṅwaha mivhili nga phanḓa ha uri a fhedze tshikolo!
5
Tebello o shuma nga maanḓa uri mushumo wawe u fane na wa vhaṅwe vhana vhe vha vha vhe kiḽasini ya Saintsi.
-
O vha o ṱalifha a tshi funa u vhala.
-
O guda zwithu zwoṱhe zwa Saintsi ya tshikoloni tsha murole wa nṱha nga miṅwaha mivhili fhedzi nahone a phasa!
6
Khemistri ndi muṅwe mufuda wa Saintsi. Tebello o vha a tshi funa Khemistri vhukuma.
-
Ndingo dza Khemistri dzi itwa Ḽaborathri ya Saintsi
-
Tebello o vha a tshi zwi ḓivha uri u ṱoḓa u ya Yunivesithi uri a gude Khemistri!
7
Tebello o ya Yunivesithi ya Lesotho u gudela digirii ya Saintsi.
-
O vha e mugudiswa o thanyaho vhukuma nahone e mushumi wa biko. O vha a tshi fhedza tshifhinga tshawe tshinzhi e Ḽaborathri ya Saintsi a tshi khou ita ndingo.
-
O phasa zwavhuḓisa nahone a wana bazari ya uri a ye u guda ngei Canada.
8
Tebello o vha a tshi funa u guda Saintsi, fhedzi o pfa vhuṱungu musi a tshi sia muṱa na khonani dzawe Afrika.
-
O sia shango ḽa hawe ngauri o vha a tshi ṱoḓa u guda zwo engedzeaho nga ha tsenguluso dza Saintsi dza henengei.
-
O vha a tshi ṱoḓa u vha muḓivhi muhulwane kha tshipiḓa tsha Saintsi tshe a tshi gudela.
9
Tebello a vha na khonani ntswa Canada.
-
Vho vha vha tshi amba nyambo dzi sa fani, fhedzi Tshiisimane tsha vha thusa uri vha davhidzane.
-
Canada ho vha hu tshi wa mahaḓa dziḓoroboni u fana na thavhani dza Lesotho.
-
Hu sa athu fhela tshifhinga tshilapfu, Tebello o dovha a wana bazari ya u bvela phanḓa na ngudo dzawe.
10
Nga murahu o ya Yunivesithi ya Amerika. A livhisa ṱhogomelo kha tsenguluso dza lwa saintsi dza u lwisana na malwadze mahulwane.
-
Nga murahu ha miṅwaha minzhi ya u guda, Tebello o mbo ḓi vhuya hayani. O vha a tshi ṱoḓa u shumisa nḓivho yawe u itela u thusa vhathu vha Afrika Tshipembe.
-
Tebello o vha a tshi tenda uri ha nga kundwi nga tshithu.
11
Ṋamusi, Tebello ndi Phurofesa wa Saintsi. U gudisa yunivesithi nahone u na Ḽaborathri yawe ya Saintsi.
-
U ita tsenguluso dza nḓila ntswa dza u thusa vhathu vha re na malwadze mahulwane.
-
Mushumo wa Vho Phurofesa Nyokong u engedza kha ṱhoḓisiso dzine dza ḓo thusa vhathu vha re na vhulwadze ha khentsara.
12
Mushumo wawe u engedza nḓivho ya Saintsi u itela u ri thusa u lwa na malwadze.
-
Vhutshilo hawe vhu sumbedza ndeme ya u ḓifhulufhela na ya u sa laṱela thaula.
-
Hu ṱoḓea vhaḓivhi vha Saintsi vho engedzeaho vha fanaho na Vho Phurofesa Tebello Nyokong.
13

——Dzimbudziso


  1. Bulani madzina mararu a mashango e Tebello a guda khao. A waneni kha mapa.
  2. Musi a tshee ṅwana, naa Tebello o vha a tshi ṱhogomela zwithu zwo mu tangaho? Ni zwi ḓivha hani?
  3. Ndi ngani vho vhudza Tebello uri a songo guda Saintsi? Ni tendelana navho?
14

——Bugu dza tsielano iyi


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Heyi bugu ya nganea yo itwa na u ṅwalwa nga Lusuthu, sa tshipiḓa tsha phurodzhekthe ya Zenex Ulwazi Lwethu ya bugu dza u vhala ya 2020.
16
Attribution CC BY
Your attribution should include the following:
Title: Tebello Nyokong, Muḓivhi wa saintsi a lwisanaho na khentsara
Author/s: Nomsa Angelina De Wee
Translator/s: Tshedza Thlako
Illustrator/s: Simon Lehlohonolo Mokoena
Assurer/s: Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator