Tebello Nyokong longusosayensi lolwa nekhensa
Nomsa Angelina De Wee
Simon Mokoena
Siswati
Longer paragraphs
——
Tebello Nyokong unguSosayensi waseNingizimu Afrika lobalulekile.
-
Lwati lwakhe lusita ekwelapheni nasekusindziseni bantfu etifweni letimbi.1
Ngesikhatsi asengumntfwana, Tebello bekahlala nebatali bakhe eLesotho. Bamkhulisa kahle.
-
Ngalelinye lilanga bekalusa timvu, kutsi ngalelilandzelako aye esikolweni. Lesi bekusicalo semfundvo yakhe.2
Ngesikhatsi Tebello eluse timvu, bekabona letinye tilwane netitjalo.
-
Tebello bekakujabulela kubuka tintfo letimtungeletile. Bekangumntfwana lotsandza kufundza ngetintfo letinsha.-
Wafundza lokunyenti ngendalo ngekubuka titjalo netilwane epulazini.3
Tebello bekafuna kufundza iSayensi esikolweni.
-
Bamtjela kutsi angacali. Batsi imatima kakhulu.-
Batsi iSayensi yebafana hhayi emantfombatane.-
Ekucaleni, wabalalela. Bangani bakhe esikolweni bebenta letinye tifundvo.4
Kepha Tebello bekakufuna mbamba kufundza iSayensi. Bekati kutsi utawuphumelela.
-
Ekugcineni, bamyekela kutsi asente lesifundvo. Wajabula futsi bekasenta kahle.-
Wacala kufundza iSayensi sekusele iminyaka lemibili nje kuphela acedze sikolwa Semabanga Laphakeme!5
Tebello wasebenta kamatima kute afundze konkhe lebesekufundvwe ngulabanye bantfwana labasekilasini leSayensi.
-
Bekahlakaniphile, atimisela, futsi akutsandza kufundza.-
Ngeminyaka lemibili, wafundza konkhe lobekufanele akufundze ngeSayensi Esikolweni Semabanga Laphakeme futsi waphumelela luhlolo lwesayensi!6
Sifundvo seKhemisi siluhlobo lolutsite lweSayensi yeFiziksi. Iyincenye yelwati lweSayensi. Ngiyo Tebello labeyitsandza kakhulu kuSayensi.
-
Imisebentikulinga yeSifundvo seKhemisi yentiwa eLabhorethri yeSayensi.-
Tebello bekati kutsi ufuna kuya enyuvesi, kute afundzele iKhemisi!7
Tebello waya eNyuvesi yaseLesotho kute atfole ticu teSayensi.
-
Bekangumfundzi lohlakaniphile futsi asebenta ngekutimisela. Bekacitsa sikhatsi lesinyenti aseLabhorethri enta imisebentikulinga.-
Waphumelela kahle, wabese utfola umfundzate e-Canada.8
Tebello bekakutsandza kufundza iSayensi, kepha weva buhlungu nasekufanele ashiye umndeni wakhe nebangani bakhe lapha e-Afrika.
-
Waya e-Canada ngobe bekafuna kufundzela lucwaningo lweSayensi.-
Bekafuna kuba nguchwepheshe emkhakheni weSayensi.9
Tebello watfola bangani labasha eCanada. Bebakhuluma tilwimi letingafanani, kepha siNgisi sabasita bakhona kucoca kahle.
-
E-Canada, lichwa belikhitsika emadolobheni akhona njengasetintsabeni taseLesotho.-
Ngekushesha nje ngemuva kwaloko, Tebello watfola lomunye umfundzate wekutsi achubekisele embili tifundvo takhe.10
Ngemuva kwaloko, waya enyuvesi yaseMelika. Wanaka kakhulu lucwaningo lweSayensi kute alwe netifo letimbi kakhulu.
-
Ngemuva kweminyaka leminyenti yekufundza, Tebello wabuyela ekhaya. Bekafuna kusebentisa lwati lwakhe kute asite bantfu baseNingizimu Afrika.-
Tebello bekatetsemba.11
Lamuhla, Tebello unguPhrofesa weSayensi. UneLabhoretri yakhe yeSayensi uphindze afundzise netitjudeni enyuvesi.
-
Ucwaninga tindlela letinsha kute asite bantfu labanetifo letimbi.-
Umsebenti waPhrofesa Nyokong wengeta elwatini lolumayelana nekwelashwa nekusindziswa kwetimphilo tebantfu labanekhensa.12
Umsebenti wakhe wengeta elwatini lolusisita silwe netifo.
-
Lokwenteke ekuphileni kwakhe kusibonisa kubaluleka kwekutetsemba nekutsi singaliphosi lithawula.-
Sidzinga bosoSayensi labengetiwe labafana naPhrofesa Tebello Nyokong!13
——Imibuto
- Shano emave lamatsatfu Tebello lafundza kuwo. Wafune ebalaveni.
- Ngesikhatsi asengumntfwana, Tebello bekatinaka yini tintfo letenteka endzaweni lakuyo? Wati njani?
- Yini leyenta bantfu batjela Tebello kutsi angayifundzi iSayensi? Wena uyavumelana yini naloko?
14
——Tincwadzi letikuloluchungechunge
- Andile Mji
- Asnath Mahapa
- Bongani Mayosi
- Charlotte Maxeke
- Mmantsane Moche Diale
- Mulalo Doyoyo
- Tebello Nyokong
- Tshilidzi Marwala
15
——
Lendzaba icanjwe yaphindze yabhalwa ngeSesotho, njengencenye yephrojekthi yetintfo tekufundza te-Zenex Ulwazi Lwethu ya-2020.
16
Attribution CC BY
Your attribution should include the following:
Title: Tebello Nyokong longusosayensi lolwa nekhensa
Author/s: Nomsa Angelina De Wee
Translator/s: Simangele Khoza
Illustrator/s: Simon Mokoena
Assurer/s: Mduduzi Benjie Shongwe
Language: Siswati
© Zenex Foundation - Saide 2024
Title: Tebello Nyokong longusosayensi lolwa nekhensa
Author/s: Nomsa Angelina De Wee
Translator/s: Simangele Khoza
Illustrator/s: Simon Mokoena
Assurer/s: Mduduzi Benjie Shongwe
Language: Siswati
© Zenex Foundation - Saide 2024
CC BY includes the following elements:
BY
– Credit must be given to the creator
BY
– Credit must be given to the creator