Tebello Nyokong, Rasaense wa kankere
Nomsa Angelina De Wee
Simon Lehlohonolo Mokoena
Setswana
First paragraphs

——


Tebello Nykong ke mmasaense yo o botlhokwa wa Aforika Borwa.
-
Kitso ya gagwe e thusa go fodisa le go boloka batho ba ba nang le malwetse a a bolayang.
1
Tebello o godisitswe ke nkokoagwe le rremogoloagwe kwa Lesotho. Ba mo godisitse sentle.
-
Letsatsi lengwe e ne e le modisa wa nku, le lengwe a ya sekolong. Se e ne e le tshimologo ya thuto ya gagwe.
2
Fa a ne a disitse dinku, o ne a ela tlhoko diphologolo tse dingwe le dimela.
-
Tebello o ne a kgatlhiwa ke dilo tse dintsi. E ne e le ngwana yo o kelotlhoko.
-
O ne a ithuta go le gontsi ka tlhago go tswa kwa dimeleng le diphologolo mo polaseng.
3
Tebello o ne a batla go ithutela Saense kwa sekolong. Ba ne ba sa mo rotloetse.
-
Ba re ke thuto e e boima.
-
Ba re Saense ke ya basimane e seng basetsana.
-
Kwa tshimologong o ne a ba reetsa. Ditsala tsa gagwe di ne di dira dirutwa tse dingwe.
4
Fela Tebello o ne a batla go ithutela Saense. O ne a itshepa.
-
Ba ne ba mo letlelela go ithuta. O ne a itumetse e bile a e tlhaloganya.
-
O simolotse go ithuta Saense dingwaga di le pedi fela pele ga a fetsa sekolo se segolo!
5
Tebello o ne a dira ka thata go fitlhelela bana ba ba setseng ba le mophatong wa Saense.
-
O ne a le botlhale, a ikemiseditse e bile a rata go ithuta.
-
O ithutile tiro yotlhe ya Saense ya Sekolo Segolo ka dingwaga tse pedi mme a falola!
6
Khemisteri ke karolo ya Saense. Ke karolo ya kitso ya Saense. Tebello o ne a e rata thata.
-
Diteko tsa Khemisteri di diriwa kwa laborathoring.
-
Tebello o ne a itse gore o batla go ithutela Khemisteri kwa yunubesithing!
7
Tebello o ne a ithutela serutwa sa Saense kwa Yunibesithi ya Lesotho.
-
O ne a le botlhale a dira ka thata. O ne a nna nako e ntsi kwa laborathoring.
-
O ne a falola ka bontle mme a iponela ditšhelete tsa go ya go ithuta kwa Canada.
8
Tebello o ne a rata go ithuta Saense, fela o ne a tshwanetse go tlogela balelapa la gagwe mo Aforika.
-
A ya kwa Canada ka gonne o ne a batla go ithuta dipatlisiso tsa Saense.
-
O ne a batla go nna moitseanape mo go tsa Saense.
9
Tebello a dira ditsala tse dintšhwa kwa Canada. Ba ne ba bua dipuo tse di farologaneng, Seesemane sa ba thusa go buega bonolo.
-
Kwa Canada, go ne go na sefoka boleya kwa ditoropokgolo jaaka kwa dithabeng tsa Lesotho.
-
Moragonyana fela Tebello a bona ditšhelete dingwe gape go tswelela go ithuta.
10
O ne a ya go ithuta kwa Amerika. O ne a ithuta dipatlisiso tsa saense go lwantsha malwetse a a kotsi.
-
Morago ga dingwaga tse dintsi tsa go ithuta, Tebello a boela gae. O ne a batla go dirisa kitso ya gagwe go thusa batho mo Aforka Borwa.
-
Tebello o ne a itshepa.
11
Gompieno, Tebello ke Moporofesara wa Saense. O na le Laborathori ya gagwe ya Saense mme o ruta kwa yunibesithing.
-
O dira dipatlisiso tse dintšhwa tsa go thusa batho ba malwetse a a kotsi.
-
Moporofesara Nyokong o thusa thata ka kitso ya go alafa le go boloka batho bolwetseng jwa kankere.
12
Tiro ya gagwe e thusa ka kitso ya go lwantsha malwetse.
-
Botshelo jwa gagwe bo bontsha gore go se ineele go mosola.
-
Re tlhoka Borasaense ba bantsi jaaka Mopofesara Tebello Nyokong!
13

——Dipotso


  1. Neela dinaga di le tharo tse Tebello a ithutileng kwa go tsone. Di batle mo mmapeng
  2. Fa a gola, a Tebello o ne a elatlhoko tikologo ya gagwe? O itse jang?
  3. Goreng ba ne ba bolelela Tebello gore a se ithute Saense? A o a dumela?
14

——Dibuka tse di mo motseletseleng o


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Kanelo e tlhamilwe le go kwalwa ka puo ya Sesotho jaaka karolo ya porojeke ya didirswa tsa go buisa ya Zenex Ulwazi Lwethu ya 2020.
16
Attribution CC BY
Your attribution should include the following:
Title: Tebello Nyokong, Rasaense wa kankere
Author/s: Nomsa Angelina De Wee
Translator/s: Lorato Trok
Illustrator/s: Simon Lehlohonolo Mokoena
Assurer/s: Dineo Moatshe, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator