UTebello Nyokong, uSosayensi olwisana nekankere
Nomsa Angelina De Wee
Simon Mokoena
isiNdebele
Longer paragraphs
——
UTebello Nyokong unguSosayensi oqakathekileko eSewula Afrika.
-
Ilwazi lakhe lisiza ukuphatha nokusindisa abantu abanamalwele anamandla.1
Njengomntwana, uTebello wabe ahlala nogogo banobamkhulu wakhe eLesotho. Bamkhulisa kuhle.
-
Kwelinye ilanga uzakuqala izimvu bese ngelanga elilandelako uzakuya esikolweni. Lokhu kwaba kuthoma kwefundo yakhe.2
Lokha uTebello nakagada izimvu, wabona nezinye iinlwana kanye neentjalo.
-
UTebello wabe anekareko ephasini mazombe. Wabe amntwana onetjisakalo yokufuna ukwazi.-
Ufunda okunengi ngemvelo ebuya eentjalweni neenlwaneni eplasini.3
UTebello wabe afuna ukufunda iSayensi esikolweni.
-
Bamtjela bona angalingi. Bamtjela bona kubudisi khulu ukufunda.-
Bathi iSayensi ingeyabesana ingasi abantazana.-
Ekuthomeni wathoma wabalalela. Abangani bakhe esikolweni bebenza ezinye iimfundo.4
Kodwana uTebello bekazimisele ukufunda ngeSayensi. Bekazi bona angakwenza lokhu.
-
Ekugcineni, bamvumela ukobana afunde isifundo leso. Wabe athabe khulu begodu wabe asebenza kuhle kiso.-
Wathoma ukufunda iSayensi iminyaka emibili ngaphambi kokuqeda ukufunda esikolweni esiphakemeko.5
UTebello usebenza ngamandla ukobana abambe abanye abantwana ekukade basetlasini yeSayensi.
-
Bekahlakaniphile, azimisele begodu athanda nokufunda.-
Wafunda iSayensi yakhe esikolweni esiphezulu iminyaka emibili begodu waphumelela ikhoso!6
Ikhemistri imhlobo wePhysical Science. Ingenye indawo elwazini leSayensi. Le bekuyindawo yeSayensi uTebello abe ayithanda khulu.
-
Iintjengisombono zeKhemistri zenziwa eLabhorethri yeSayensi.-
UTebello bekazi bona ufuna ukuya eyunivesithi, ukobana ayokufunda iKhemistri!7
UTebello wazitlolisela ukwenza iziqu zeSayensi eYunivesithi yeLesotho.
-
Wabe amfundi ohlakaniphileko begodu asebenza ngamandla. Wabe athatha isikhathi esinengi ahlezi ngeLabhorethri asenza iintjengisombono.-
Wazuza imiphumela emihle, wathumba nomfundalize wokuyokufunda eCanada.8
UTebello wabe athanda ukufunda iSayensi, kodwana watlhuwa nakufanele atjhiye umndeni wakhe nabangani bakhe e-Afrika.
-
Wakhamba waya eCanada ngombana wabe afuna ukufunda ngerhubhululo leSayensi lapho.-
Wabe afuna ukuba ngusolwazi emkhakheni weSayensi.9
UTebello wathola abangani abatjha eCanada.
-
Bebakhuluma amalimi ahlukeneko, kodwana i-English yabasiza ukobana bakghone ukuzwana kuhle nabakhulumako.-
ECanada, bekunerhwaba elikhithika emadorobheni njengeentabeni zeLesotho.-
Akhange kube sikhathi eside, uTebello wathumba godu omunye umfundalize ukobana aragele phambili nokufunda.10
Okulandelako, wakhamba watjhinga eyunivesithi ye-Amerika. Wanqopha erhubhululweni lesayensi ukulwisana namalwele anamandla.
-
Ngemuva kweminyaka eminengi afunda, uTebello wabuyela ekhaya. Wabe afuna ukusebenzisa ilwazi lakhe ukobana asize abantu eSewula Afrika.-
UTebello wabe akholelwa kuye.11
Namhlanjesi, uTebello unguPhrofesa weSayensi. UneLabhorethri yeSayensi engeyakhe begodu ufundisa abafundi emayunivesithi.
-
Urhubhulula ngeendlela ezitja zokusiza abantu abanamalwele anamandla.-
Umsebenzi kaProfesa Nyokong ungezelela ilwazi mayelana nokwelapha nokusindisa abantu abaphethwe yikankere.12
Umsebenzi wakhe ungezelela elwazini leSayensi elisiza ukulwisana namalwele.
-
Ipilo yakhe itjengisa ukuqakatheka kokukholelwa kuwe begodu ungapheli amandla begodu ungalilahli ithemba.-
Sisafuna godu abanye aboSosayensi abafana noPhrofesa uTebello Nyokong!13
——Imibuzo
- Itjho iinarha ezintathu lapha uTebello afunda khona. Zithole emebheni.
- Njengomntwana ingabe uTebello watjheja iphasi elimzombileko? Wazi njani?
- Kubayini babetjela uTebello bona angafundi iSayensi? Ingabe uyavumelana nabo?
14
——Iincwadi eziselungelungeni leli
- U-Andile Mji
- U-Asnath Mahapa
- UBongani Mayosi
- UCharlotte Maxeke
- UMmantsane Moche Diale
- UMulalo Doyoyo
- UTebello Nyokong
- UTshilidzi Marwala
15
——
Indatjana le yatlhanywa begodu yatlolwa ngelimi leSesotho, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: UTebello Nyokong, uSosayensi olwisana nekankere
Author/s: Nomsa Angelina De Wee
Translator/s: Sponono Mahlangu
Illustrator/s: Simon Mokoena
Assurer/s: William Jiyana
Language: isiNdebele
© Zenex Foundation - Saide 2024
Title: UTebello Nyokong, uSosayensi olwisana nekankere
Author/s: Nomsa Angelina De Wee
Translator/s: Sponono Mahlangu
Illustrator/s: Simon Mokoena
Assurer/s: William Jiyana
Language: isiNdebele
© Zenex Foundation - Saide 2024
CC BY includes the following elements:
BY
– Credit must be given to the creator
BY
– Credit must be given to the creator