Etikweni leri vuriwaka Polokwane, ehandlenyana ka doroba ra ka GaMaupye, ku tshama Ttn Masoga Maupye na nsati wa yena Mnn Masohlo Maupye.Ttn Maupye u hlayisa ndyangu wa yena hi ku rima. U hubuta nimixo swinene na mbyana ya yena Pichonki.

“Namuntlha ndzi ta kuma lexi dyaka swibyariwa swa mina,” ku vula Ttn Maupye hi ku titshemba.“Yima ndzi tirha ku kondza nindzhenga,” a byela Pichonki.

Ttn Maupye u tirha hi ku tinyiketela ensin’wini.U hlayisa ndyangu wa yena hileswi a swi byalaka. Va ka Maupye a va xavi mugayo kumbe matsavu.

Endzhaku ka tiawara tintsongo, Mnn Maupye a fika na yena.U tile na swakudya na mati.“Ha losa Magoda,” ku huwelela Masohlo.

Ttn Maupye a dya, a nwa, ivi a wisa.“Lembe leri hi katekisiwile hi mpfula. Swibyariwa swa hina i swa rihlaza naku saseka,” ku vula Ttn Maupye.“Ina, hi ta yisa khume wa masaka ya mavele exigayini,” ku hlamula Mnn Maupye.

“Rivala hileswi dyaka swibyariwa swa wena! Swi tele,” ku hleka Mnn Maupye.“Ndza swi vona leswaku a wu ndzi tivi nkatanga. Ndza hlambanya, ndzi ta swi kuma!” ku hlamula Ttn Maupye.

Hi nkarhi wolowo, Ttn Maupye a vona mpfundla wu karhi wu dya swibyariwa. A tlula a hoxa mpfundla hi xikomu.“Ndzi ta wu kuma!” ku huwelela Ttn Maupye.

Mpfundla wu kote ku baleka.Pichonki yi tsandzekile ku kuma mpfundla.Xikomu xi tshovekile.Mnn Maupye a hefemulela ehenhla.