Vho Masoga Maupye na mufumakadzi wavho Vho Masohlo Maupye vha dzula muḓanani wa GaMaupye, nnḓanyana ha ḓorobo ya Polokwane.Vho Maupye vha ṱundela muṱa wavho nga u lima. Vha buba nga matsheloni maṅwe na maṅwe na mmbwa yavho Pichonki.

“Ṋamusi ndi ḓo tshi fara tshithu tshine tsha khou ḽa zwiliṅwa zwanga,” ndi Vho Maupye vha tshi amba nga u ḓifulufhela.Vha ri kha Pichonki, “Ndi ḓo shuma u swika masiari.”

Vho Maupye ndi mushumi wa biko masimuni.Vha ṱundela muṱa wavho nga zwine vha zwi lima. Vha ha Maupye a vha rengi mugayo na miroho.

Nga murahu ha iri dzi si gathi, Mufumakadzi Vho Maupye vha swika masimuni.Vho ḓisa zwiḽiwa zwa nga masiari na maḓi.Mufumakadzi Vho Maupye vha ri, “Ndi masiari Vho Mokone.”

Vho Maupye vha ḽa, vha nwa, nahone vha awela.Vha ri, “Uno ṅwaha, mvula yo ri anḓa. Zwiliṅwa ndi zwidala nahone ndi zwavhuḓi.”Mufumakadzi Vho Maupye vha fhindula, “Ndi ngoho heyo, ri ḓo isa masaga a fumi a mavhele tshigayoni.”

“Vha songo vhilaedziswa nga tshine tsha khou ḽa zwiliṅwa zwashu! Zwo ḓalesa,” Mufumakadzi Vho Maupye vha tshi sea.Vho Maupye vha fhindula, “Ndi khou zwi vhona uri a ni nnḓivhi zwavhuḓi mufunwa wanga. Ndi a ni anela, ndi ḓo tshi fara!”

Nga tshenetsho tshifhinga, Vho Maupye vha vhona muvhuḓa u tshi khou ḽa zwiliṅwa zwavho. Vha takuwa, nga u ṱavhanya vha posa dzembe ḽavho kha muvhuḓa.Vho Maupye vha huwelela vha ri, “Ndi ḓo u fara!”

Muvhuḓa wa ponyoka wa shavha.Pichonki ya si wane muvhuḓa.Nahone, dzembe ḽo vunḓea.Mufumakadzi Vho Maupye, vha femela nṱha.