Ngitayibamba
Martha Kekana
Isaac Okwir
Siswati
First paragraphs
Endzaweni lekutsiwa yiGaMaupye, lengaphandle kwelidolobha lasePolokwane, kuhlala uMnu. Masoga Maupye kanye nemkakhe Nkt. Masohlo Maupye.
-
UMnu. Maupye wondla umndeni wakhe ngekulima tilimo. Njalo ekuseni kakhulu uvuka ahambe nenja yakhe, Pichonki.
1
“Lamuhla ngitayibamba lentfo ledla tilimo tami,” kusho uMnu. Maupye ngekuciniseka.
-
“Angichubeke nekwenta umsebenti kuze kube semini,” asho kuPichonki.
2
UMnu. Maupye usebenta ngekutikhandla lokukhulu emasimini.
-
Wondla umndeni wakhe ngaloko lakulimako. BakaMaupye abayitsengi imphuphu kanye netibhidvo.
3
Ngemva kwema-awa lambalwa, kwafika Nkt. Maupye emasimini.
-
Bekaletse kudla kwasemini kanye nemanti.
-
“Ngivusela wena Mokone,” kusho Nkt. Maupye.
4
UMnu. Maupye wadla, wanatsa, wase uyaphumula.
-
“Kulomnyaka, sinemvula lenhle. Tilimo tiluhlata futsi tinhle,” asho.
-
“Ucinisile, sitomikisa emasaka lalishumi emmbila kutsi ayogaywa,” kuphendvula Nkt. Maupye.
5
“Khohlwa ngaloku lokudla tilimo takho! Kunalokunyenti lokusele kwentfu,” kuhleka Nkt. Maupye.
-
“Ngiyabona kutsi awungati kahle, wena nkhosikati. Ngingakubhejela ngekutsi, ngitakubamba!” kuphendvula uMnu. Maupye.
6
Kusenjalo, uMnu. Maupye wabona logwaja adla tilimo takhe. Wagcuma waya etulu wase ujikijela likhuba lakhe kulogwaja.
-
“Ngitakutfola!” kumemeta uMnu. Maupye.
7
Logwaja waphunyula wabaleka.
-
Pichonki akazange awutfole logwaja.
-
Kantsi, likhuba lona lephuka.
-
Nkt. Maupye wabubula ngenhlitiyo.
8
Attribution CC BY
Your attribution should include the following:
Title: Ngitayibamba
Author/s: Martha Kekana
Translator/s: Mduduzi Benjie Shongwe
Illustrator/s: Isaac Okwir
Assurer/s: Simangele Khoza
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator