Mo motsaneng o o bidiwang GaMaupye, ka kwa ntle ga toropo ya Polokwane, go nna Rre Masoge Maupye le Mme Masohlo Maupye.Rre Maupye o tlamela balelapa la gagwe ka temo ya dijalo. O phakela moso mongwe le mongwe le ntšwa ya gagwe, Pichonki.

“Gompieno ke tlile go tshwara se se jang dijalo tsa me.”“Nte ke tswelele ka tiro ya me go fitlha sethoboloko,” a bolelela Pichonki.

Rre Maupye o dira ka thata mo tshimong.O tlamela balelapa la gagwe ka se a se lemang.Ba ga Maupye ga ba reke bupi le merogo.

Morago ga diuranyana, Mme Maupye o goroga kwa tshimong.O tlisa dijo tsa motshegare le metsi.“Madume Mokone,” ga bitsa Mme Maupye.

Rre Maupye, o a ja, o a nwa, a be a ikhutsa.“Monongwaga, re ratilwe ke pula. Dijalo di talafetse ka bontle,” a rialo.“Ee, re tla romela dikgetse di le lesome tsa mmidi go silwa,” ga araba Mme Maupye.

“Lebala ka seo se jang dijalo! Re na le mo go lekaneng,” ga araba Mme Maupye.“Ke bona gore ga o nkitse, mogatsaka. Ke a ikana. Ke tla se tshwara!” ga araba Rre Maupye.

Ka ona motsotswana oo, Rre Maupye a bona mmutla o ja dijalo. A tlola mme a latlhela petlwana mo mmutleng.“Ke tla o tshwara!” Rre Maupye a goeletsa.

Mmutla o a sia.Pichonki a se ke a bona mmutla.Mme, petlwana e robegile.Mme Maupye a hemela godimo.