Motsaneng o bitswang GaMaupye ho dula ntate Masoga Maupye le mosadi wa hae mme Masohlo Maupye.Ntate Maupye o fepa lelapa la hae ka ho lema masimong. Hoseng ho hong le ho hong o ya masimong le ntja ya hae Pichonki.

“Kajeno ke tla thola ntho e jang dijalo tsa ka,” ho rialo ntate Maupye ka boitshepo.“A ke tswelle ka mosebetsi ho fihlela motshehare,” o bolella Pichonki.

Ntate Maupye o sebetsa ka thata masimong.O fepa lelapa la hae ka hoba rapolasi. Lelapa la Maupye ha le reke phofo le meroho.

Ka mora dihora tse seng kae mme Maupye o fihla masimong.O tlisitse dijo tsa motshehare le metsi.“Dumela Mokone,” ho rialo mme Maupye.

Ntate Maupye o a ja, o a nwa a be a phomole.“Selemong sena pula e re ratile. Dijalo di tala di ntle,” ho rialo ntate Maupye.“Ee, re tla romela mekotla e leshome tshilong,” ho araba mme Maupye.

“Lebala ka se jang dijalo tsa hao! Re na le dijo tse ngata,” ho rialo mme Maupye a tsheha.“Ke ya bona ha o ntsebe moratuwa. Ke ya hlapanya, ke tla sethola!” ho araba ntate Maupye.

Ka motsotso oo a bona mmutlanyana o jang dijalo tsa hae. A tlola a tjekeletsa mohoma mmutlanyaneng.“Ke tla o fumana,” ha hoeletsa ntate Maupye.

Mmutlanyana wa pholoha wa matha.Pichonki a seke a o fumana.Feela mohoma ona o robehile.Mme Maupye a kgathala matla.