Phumelele a ri xinhwanyetana lexi humaka endyangwini wa vusweti.A a tshama ni vandyangu wa yena emugangeni lowu a wu vuriwa Celani.A ku ri na patu rin’we ntsena ro nghena no huma eCelani.

Etlhelo ka patu ra muganga a ku ri na murhi.A ku tshama nyoka leyikulu eka wona.Vanhu a va hundza hi kona loko va ya etliliniki, eswitolo kumbe exikolweni.

Loko nyoka yi twa swigingi, ayi wela egondzweni.Nyoka leyi a yi endla leswaku switikela vanhu ku hundza.Vaakatiko va ringetile ku yi khoma, kambe va tsandzekile.

Ku hava loyi a nga kota ku khoma nyoka leyi.Kutani, hosi yi tshembisile vaakatiko leswaku loyi anga ta khoma nyoka, uta hakeriwa.A ku pfumeleriwa vavanuna ntsena ku nghenela mphikizano lowu.

Vavanuna lavakulu ni lavatsongo, va ringetile ku khoma nyoka kambe va tsandzekile.Va ringetile hambi ku tirha hi mitlawa.Hambiswiritano, nyoka a va yi khomangi.A swi ri nghozi ku nghena no huma emugangeni.

Phumelele u yile ehosini a ku, “Ndzi pfumeleli ndzi nghenela mphikizano.”Vanhu va n’wi hleka hikuva a ri wansati. Va ku, “Loyi u na misavu.”Hosi yi ehleketa hi xikombelo xa phumelele.

Ekuheteleleni, hosi yi tibyela, “Vavanuna va muganga va tsandzekile ku khoma nyoka. A swi onhi nchumu ku n’wi nyika nkarhi.”U nyikile Phumelele nkarhi kambe a a nga tshembi leswaku a nga swi kota hikuva vavanuna va tsandzekile.

Phumelele a ri na kungu ra vutlhari.U lukile basikiti leyikulu, a hoxa tintambhu to koka leswaku basikiti yi ta kota ku pfaleka.A rhwala basikiti enhlokweni a kongoma exihlahleni.

Tanihi ntolovelo, nyoka yi twile swigingi. Yi tilulamisela ku chika yi pfala ndlela.Phumelele na yena a langutele swona!“Namunthla i sikunene,” a ehleketa a ri karhi a kongoma exihlahleni.

Loko nyoka yi wa kusuka emurhini yi wela endzeni ka basikiti yo lukiwa.Phumelele a hatla a koka ntambhu ku pfala basikiti. Nyoka yi pfaleleka endzeni.

Phumelele a rhwala basikiti na nyoka a kongoma emugangeni.Vanhu hinkwavo va hoyozela loko a nghena hi gede ya le hosini.“Phumelele u tlharihile na swona u na xivindzi. Hosi yi fanele ku hetisisa xitshembiso xa yona,” ku vula vanhu.

Hosi yi hakela Phumelele hi ndhawu leyikulu na xivala xi tele hi tihomu.U vile murhangeri eka ndhawu yoleyo. Vanhu a va ya eka yena va ya kuma swiletelo.Nyoka yi yisiwile endhawini ya vuhlayiselo bya tinyoka kutani vaakatiko va kota ku fambafamba va tshunxekile.