Phumelele o vha e musidzana a bvaho muṱani wa vhashai.O vha a tshi dzula na muṱa wahawe muḓanani u vhidzwaho Celani.Ho vha hu na bada nthihi fhedzi ya u dzhena na u bva Celani.

Tsini na bada ya muḓana ho vha hu na muri.Ḽiṋowa ḽihulwane ḽo vha ḽi tshi dzula kha wonoyo muri.Vhathu vho vha vha tshi fhira wonoyo muri musi vha tshi ya kiḽiniki, mavhengeleni kana tshikoloni.

Musi ḽi tshi pfa mitsindo, ḽinowa ḽo vha ḽi tshi ḓiwisela fhasi badani.Ḽiṋowa ḽo vha ḽi tshi konḓisela vhathu vha ṱoḓaho u pfuka. Vhadzulapo vho lingedza u fara ḽiṋowa fhedzi vha kundelwa.

A huna we a kona u fara ḽiṋowa.Khosi ya amba uri ane a ḓo fara ḽiṋowa u ḓo lambedzwa. Vhanna ndi vhone fhedzi vhe vha tendelwa u shela mulenzhe kha ḽeneḽo fulo.

Vhanna vha mirole yoṱhe vho lingedza u fara ḽiṋowa fhedzi vha balelwa.Vho lingedza u shuma sa zwigwada.Naho zwo ralo, vho kundelwa u fara ḽiṋowa.U dzhena na u bva muḓanani zwo vha zwi khombo.

Phumelele a ya ha khosi a ri, “Kha vha ntendele ndi shele mulenzhe kha heḽi fulo.”Vhathu vha mu sea ngauri o vha e mufumakadzi. Vha ri, “U khou swaswa.”Khosi ya humbula nga zwe Phumelele a zwi humbela.

Mafheleloni, khosi ya ri, “Vhanna vha muvhunduni vho kundelwa u fara ḽiṋowa. A thi nga xelelwi nga tshithu.”Khosi ya fha Phumelele tshikhala. Fhedzi yo vha i sa fulufheli uri a nga bvelela he vhanna vha kundelwa hone.

Phumelele o vha e na maano a vhuṱali.A luka manngi muhulwane vhukuma. A u lukela na thambo dzine manngi wa nga vhofhiwa ngadzo uri u valee.A halwa manngi nṱha ha ṱhoho a livha murini.

Sa nga misi, ḽiṋowa ḽa pfa mitsindo. Ḽa ḓilugiselela u ḓiwisela fhasi u ri ḽi thivhe nḓila.Phumelele o vha o ḓilugisela musi ḽi tshi ita ngauralo!“Ṋamusi ndi ḓo ḽi sumbedza,” u ralo a tshi sendela murini.

Musi ḽiṋowa ḽi tshi ḓiwisa murini, ḽa mbo ḓi wela ngomu ha manngi wo lukiwaho.Nga u ṱavhanya Phumelele a vhofha thambo dza manngi a u vala. Ḽiṋowa ḽa valelwa nga ngomu.

Phumelele a hwala manngi u re na ḽiṋowa a ya muḓanani.Vhathu vhoṱhe muḓanani vha mu renda musi a tshi dzhena khoroni dza pfamo ya khosi.Vhathu vha ri, “Phumelele o ṱalifha nahone u na tshivhindi. Khosi i fanela u ita zwe ya fulufhedzisa.”

Khosi ya ṋea Phumelele tshipiḓa tshihulwane tsha shango na danga ḽo ḓalaho kholomo.A vha murangaphanḓa wa tshenetsho tshipiḓa tsha shango. Vhathu vha ya khae u wana nyeletshedzo.Ḽiṋowa ḽa dzhiiwa ḽa iswa hune ha fuiwa dziṋowa, vhathu vha kona u tshimbila vho vhofholowa.