“Tswii! Tswii! Tswii!”“Kwa! Kwa! Kwa!”“Kwakaa! Kwakaa! Kwakaa!”Sekwa na Tuva va hlangana laha va tshamelaka ku hlangana kona exidan’wanini ekusuhi na nambu. A va ri vanghana lavakulu.

A ku ri siku leri a ri hisa swinene.Tuva ri nghenile endzeni ka mati. Tuva ri anakanya, “Swi fanele swi nandziha ku hlambela.”Endzhaku ka loko ri nghenisile nhloko endzeni ka mati, Sekwa ri ku, “Xana u nga tsakela ku hlambela? Khandziya enhlaneni wa mina ndzi ta ku dyondzisa.”

Mikarhi hinkwawo loko Sekwa ri nghena endzeni ka mati na Tuva enhlaneni wa rona, Tuva a ri hahela ehenhla.Tuva ri anakanya hi mbilu yo vava, “A ndzi nge swi koti ku hlambela ku fana na Sekwa.”Sekwa ri sale ri hlambela ri ri roxe ematini.

“Xana xiphiqo xa Tuva i ncini? U ndzi khomisa tingana. Xana u nga ndzi siya ndzi ri ndzexe ematini?” ku vilela Sekwa.Tuva ri hlamula, “Ndzi chava ku nwela.”“A ndzi hleketa ku u lava ku dyondza ku hlambela ku fana na mina,” ku vula Sekwa.

“Tswii! Tswii! Tswii! Sekwa, tana ndzi ku dyondzisa ku haha mina. Ku hlambela swa tika swinene!”Tuva ri fambile ri ya eka ribye lerikulu. Sekwa ri landzela hi le ndzhaku.Leswi nga landzela, Tuva a ri ri ehenhla ka nsinya wo leha. Sekwa a ri swi kotangi ku landzelela.

Sekwa ri twe mbilu ku vava. Ri anakanya ri hlundzukile, “Tuva a ri ndzi ehleketeleri.Ndzi sekwa ku nga ri tuva. Ndzi tolovele ku hlambela ku nga ri ku haha.”Tuva ri lava ku horisa mbilu ya munghana wa rona.

Va tshamile eribyeni va miyela.Eku heteleleni, Tuva ri ku, “Munghana wa mina, namuntlha ndzi dyondze ku ri ndzi nge swi koti ku hlambela ku fana na wena.Naswona u nge swi koti ku haha ku fana na mina. Ndza haha wena wa hlambela.”Va vukarhana kahle.

“Hina hi masekwa, loko hi hlambela, hi nyuperisa tinhloko ta hina hi ku, ‘Kwaa kwaa kwaa kwaaa! Kwaa kwaa kwa kwa kwaaaa!’”“Hina hi swinyanyana, loko hi haha hi phakatisa timpapa ta hina hi ku, ‘Tswiyoo tswiyoo, tswiyoo!’”