“Tswii! Tswii! Tswii!”“Kwa! Kwa! Kwa!”“Kwakaa! Kwakaa! Kwakaa!”Sekwa na Ḽiivha vha ṱangana kudamuni tsini na mulambo. Vho vha vhe madele mapfani.

Ḓuvha ḽo vha ḽi tshi khou gotsha ḓula.Sekwa a dzhena maḓini nga u ṱavhanya. Ḽiivha a humbula uri, “Zwi nga vha zwi tshi takadza u bambela.”Nga murahu ha u dzhenisa ṱhoho maḓini, Sekwa a ri, “Ni nga takalela u bambela? Ṋamelani kha muṱana wanga ndi ḓo ni gudisa.”

Tshifhinga tshoṱhe musi Sekwa a tshi ṋupela na Ḽiivha e muṱanani, Ḽiivha o vha a tshi fhufha.Ḽiivha a humbula o pfa vhuṱungu uri, “Ndi nga si vhuye nda kona u bambela u fana na Sekwa.”Sekwa a sala e eṱhe maḓini.

“Mulandu ndi mini Ḽiivha? Ni a sinyusa. Ni nga ntsia hani maḓini ndi ndoṱhe?” Sekwa a tshi gungula.Ḽiivha a fhindula, “Ndi khou ofha u nwela khothe.”“Ndo vha ndi tshi ri ni khou ṱoḓa u guda u bambela u fana na nṋe,” hu amba Sekwa.

“Tswii! Tswii! Tswii! Sekwa, Iḓani ndi ni gudise u fhufha. Zwi a konḓa nga maanḓa u bambela!”Ḽiivha a ya kha tombo ḽihulu. Sekwa a mu tevhela.Nga u ṱavhanya, Ḽiivha o vha o no vha nṱha ha muri mulapfu. Sekwa o vha a sa koni u mu tevhela.

Sekwa o vha o pfa vhuṱungu. A humbula e eṱhe o sinyuwa, “Ḽiivha u ḓihumbulela e eṱhe.Ndi tou vha sekwa hu si ḽiivha. Ndo ḓowela u bambela hu si u fhufha.”Ḽiivha o vha a tshi ṱoḓa u khuthadza khonani yawe.

Vha dzula kha tombo vha sokou ṅoo!Mafheleloni, Ḽiivha a ri, “Khonani yanga, ṋamusi ndo guda uri ndi nga si bambele u fana na inwi.Na inwi ni nga si fhufhe u fana na nṋe. Nṋe ndi ḓo fhufha, inwi na bambela.”Vha kuvhatedzana.

“Ri masekwa, musi ri tshi bambela, ṱhoho dzashu dzi a ṋupela nahone ra ri, ‘Kwaa kwaa kwaa gadada!’”“Ri zwiṋoni, musi ri tshi fhufha ri babamela phapha dzashu ra ri, ‘Tsiyo, tsiyo, tsiyo!’”