“Thwit! Thwit! Thwit!”“Kwa! Kwa! Kwa!”“Khwaaa! Khwaaa! Khwaaa!”Leeba le Pidipidi di kopanela fa mogobeng gaufi le noka. E ne e le ditsala tse dikgolo.

E ne e le letsatsi le le mogote thata. Pidipidi ya thobuela mo metsing. Leeba la nagana, “Go tshwanetse ga bo go le monate go thuma.”Morago ga go thobuetsa tlhogo mo metsing, Pidipidi ya re, “A o ka rata go thuma? Palama mo mokokotlong wa me mme ke tla go ruta.”

Nako le nako fa Pidipidi a re o tsena kwa tlase ga metsi Leeba le le mo mokokotlong, Leeba le ne la fofela godimo.Leeba la nagana ka kutlobotlhoko, “Ga ke na go itse go thuma jaaka Pidipidi.”Pidipidi a sala ka boena mo metsing.

“Mathata ke eng Leeba? Wa ntshwabisa.O ka ntlogela jang ka bonna mo metsing?” ga ngongorega Pidipidi.Leeba la araba, “Ke tshaba go nwela.”“Ke naganne gore o rata go ithuta go thuma jaaka nna,” ga bua Pidipidi.

“Thwit! Thwit! Thwit! Pidipidi, e re ke go rute go fofa bogolo. Go thuma go boima thata!”Leeba la palama lejwe le legolo. Pidipidi ya latela.Ka nakwana, Leeba le ne le palame setlhare se se leele. Pidipidi o ne a sa kgone go le latela.

Pidipidi ya utlwa botlhoko. Ya nagana ka go itenegela, “Leeba gale na kutlwelobotlhoko.Ke Pidipidi e seng leeba. Ke tlwaetse go thuma e seng go fofa.”Leeba le ne le rata go gomotsa tsala ya lona.

Di ne tsa nna mo godimo ga lejwe ka tidimalo.Bokhutlong, Leeba la re, “Tsala ya me, gompieno ke ithutile gore nka se tlhole ke thumile go tshwana le wena.E bile o ka se tsoge o fofile jaaka nna. Ke a fofa mme wena o a thuma.”Tsa amana ka boitumelo.

“Re dipidipidi, fa re thuma, re tsenya ditlhogo ka go bua re re, ‘Kwaa kwa kwa qxadada! Kwa kwa kwa qxadada!’”“Re dinonyane, fa re fofa re phophotha diphuka a rona ka go bua re re, ‘Tsiyo, tsiyo, tsiyo!’”