“Tswi! Tswi! Tswi!”“Kwa! Kwa! Kwa!”“Kwak! Kwak! Kwak!”Letata le Leeba ba kopane letangwaneng le pela noka. E ne e le metswalle ya hlooho ya kgomo.

Tsatsing leo ho ne ho tjhesa haholo.Letata a qwelela ka metsing.Ha a qeta ho diketsa hlooho ka metsing, Letata la re, “Na o ka thabela ho sesa? Palama mokokotlong wa ka mme ke tla ho ruta ho sesa.”

Ka makgetlo ha Letata a leka ho qwela tlasa metsi a pepile Leeba, Leeba o ne a fofela hodimo.Leeba a nahana hore a ke ke a kgona ho sesa jwaloka Letata.Letata a sala a le mong ka metsing.

“Bothata ke eng Leeba? O ya mphoqa. O ntshielang ka metsing ke le mong?” ke Letata a tletleba.“Ke tshaba ho kgangwa,” Leeba a araba.“Ke ne ke nahana hore o batla ho tseba ho sesa jwaloka nna,” ho rialo Letata.

“Tswi! Tswi! Tswi! Letata e re nna ke o rute ho fofa. Ho sesa ho thata haholo.”Leeba a ya lefikeng le leholo. Letata a mo latela.Ka pejana Leeba a be a se a palame sefate se se lelele. Letata o ne a sa kgone ho mo latela.

Letata o ne a hloname. A kgenne a nahana, “Leeba ha a nnahanele.Ke letata, ha ke leeba. Ke tlwaetse ho sesa, e seng ho fofa.”Leeba o ne a batla ho kgothatsa motswalle wa hae.

Ba dula lefikeng ba kgutsitse.Qetellong, Leeba a re, “Motswalle, kajeno ke ithutile hore nke ke ka kgona ho sesa jwaloka wena.Mme wena o ke ke wa fofa jwaloka nna.”Ba hakana.

“Rona matata, ha re sesa re ina dihlooho metsing re re, ‘Kwaa kwaa kwaa gxadada!Kwaa kwaa kwaa gxadada!’”Rona dinonyana, ha re fofa re phaphalatsa mapheo a rona re re, “Tsiyo, tsiyo, tsiyo.”