Nhlengeletano ya ndyangu
African Storybook
Thulisile Shongwe
Xitsonga
First paragraphs
Hi tava na nhlengeleteno ya ndyangu.
-
Ku na Tatana, Hahani Pula, Malume Chavani, Eddie, Attie, mina, na Kokwanaxisati.
-
Hi mina lontsongo.
1
Xiyanimoya xi tshama xi pfuleriwile 24/7 ekaya. Hi tshamela ro yingisela mahungu.
-
Hi swi twile leswaku namuntlha swikolo swi ta pfula nakambe vhiki leri taka.
2
Swikolo a swi pfariwile tin’hweti to hlaya hikwalaho ka mpfalelo.
-
Tatana a sungula, “Vandyangu, hi fanele hi teka xiboho mayelana na ku tlhelela ka vana exikolweni.”
3
Hahani Pula u na ku vilela. “Loko swikolo swi pfula swi vula ku vanhu vo tala va ta tluletiwa hi mavabyi.
-
Xiyimo xi nga nyanya,” a hlamusela.
4
Attie a ku, “Ndzi chava ku khomiwa hi mavabyi lama.
-
A hi yimeni mavhiki mambirhi ku vona leswaku swilo swi famba njhani exikolweni. Ku na ku hlangahlangana ko tala.”
5
Tatana a ku, “Ndzi chavela Kokwanaxisati.
-
Loko vana vo khomiwa hi mavabyi naswona va vuya na wona laha kaya, xiyimo xi nga va tikela swinene.”
-
Kokwanaxisati a pfumela hi nhloko.
6
Kokwanaxisati wa mina u dyuharile swinene. U na chukele na vuvabyi bya mbilu.
-
Ndzi tela hi ku chava. Ndzi vilela ngopfu hi ndyangu wa mina.
7
Malume Chavani a ku, “Ndzi anakanya leswaku vana va tshama ekaya, tanihi ndlela yo sivela. A hi yimeni hi vona loko ku ri swikolo swi lulamerile ku amukela vana.”
-
Va pfumelelana hinkwavo handle ka Eddie.
8
“Ndzi fanele ndzi ya exikolweni xa le henhla haxawa. A ndzi swi tivi leswaku ndzi ta swi kota ku endla ntirho hinkwawo ke. Ku dyondza eka inthanete a swi ndzi pfuni mina,” ku vula Eddie.
9
Ndzi chava ku salela endzhaku hi ntirho wa xikolo.
-
Ndzi na ku vilela hikwalaho ka vumunhu bya hina. Xana hi ta khomana njhani sweswi?
-
Hi fanele hi kongomana na leswi hinkwerhu.
10

——Swivutiso

-
  1. Hlamusela leswi marito lama ma vulaka swona: ku khomiwa hi mavabyi, vadyuhari, ndlela yo sivela, vumunhu.
  2. Hlamusela ku ri swi vula yini ‘ku vilela hikwalaho ka vumunhu’.
  3. U anakanya ku ri ndyangu wu tekile xiboho xihi? Hikwalaho ka yini?
11

——

-
Buku leyi ya xitori yi huma eka swiviko swa Xiyanimoya xa RX. Xiyanimoya xa RX i xitichi xa xiyanimoya xa le ka inthanete, lexi nga xa vana no haxiwa hi vana.
-
Xiyanimoya xi fambisiwaka kusuka eRed Cross War Memorial Children’s Hospital eCape Town.
-
Xiyanimoya xa RX xi pfuna vana ku rungula switori hi timhaka leti nga ta nkoka eka vona.
-
Endzela xiyanimoya xa RX
12
Attribution CC BY
Your attribution should include the following:
Title: Nhlengeletano ya ndyangu
Author/s: African Storybook
Translator/s: Hlongwani Hlongwani
Illustrator/s: Thulisile Shongwe
Assurer/s: Arnold Mushwana, Bongani Maluleke
Language: Xitsonga

© Zenex Foundation - Saide 2024

CC BY includes the following elements:
 BY   – Credit must be given to the creator