Muṱangano wa muṱa
African Storybook
Thulisile Shongwe
Tshivenḓa
First paragraphs
Ri khou ḓo vha na muṱangano wa muṱa.
-
Hu na Baba, Makhadzi Pula, Khotsimunene Chavani, Eddie, Attie, nṋe na Makhulu.
-
Ndi nṋe muṱuku kha vhoṱhe.
1
Radio i dzula yo fungiwa ḓuvha na ḓuvha ha hashu. Ri thetshelesa mafhungo tshifhinga tshoṱhe.
-
Ṋamusi ro pfa uri zwikolo zwi khou ḓo vula vhege i ḓaho.
2
Zwikolo zwo vha zwo valwa lwa miṅwedzi minzhi nga ṅwambo wa nyiledzo ya u tshimbila dzibadani.
-
Baba vha a thoma, “Vhahashu, ri fanela u dzhia tsheo malugana na uri vhana vha vhuyelele tshikoloni.”
3
Makhadzi Pula vha khou vhilaela. “Musi zwikolo zwi tshi vula zwi amba uri vhathu vhanzhi vha ḓo kavhiwa.
-
Zwithu zwi nga vhifha,” vha tshi amba.
4
Attie uri, “Ndi khou ofha u kavhiwa nga hovhu vhulwadze.
-
Kha ri lindele vhege mbili ri vhone uri zwithu zwi khou tshimbila hani tshikoloni. Hu na u ḓaḓa hunzhi.”
5
Baba vha ri, “Ndi vhilaelela Makhulu.
-
Arali vhana vha kavhiwa nga vhulwadze nahone vha vhuya naho hayani, zwi nga vha kwama nga nḓila i si yavhuḓi.”
-
Makhulu vha tenda nga ṱhoho.
6
Makhulu wanga ndi mualuwa. Vha na vhulwadze ha swigiri na ha mbilu.
-
Ndi khou ofha vhukuma. Ndi khou vhilaelela muṱa wa hashu.
7
Khotsimunene Chavani vha ri, “Ndi humbula uri vhana vha fanela u dzula hayani, sa tshitsireledzi. Kha ri ime ri vhone arali zwikolo zwo lugela u ṱanganedza vhana.”
-
Vhoṱhe vha a tenda nga nnḓa ha Eddie.
8
“Ndi fanela u ya Tshikoloni tsha Murole wa nṱha ṅwakani.
-
A thi ḓivhi uri ndi ḓo kona u angaredza mushumo woṱhe.
-
A thi takaleli u guda kha inthanethe,” hu amba Eddie.
9
A thi khou vhilaedziswa nga u salela murahu nga mushumo wa tshikolo.
-
Ndi vhilaedziswa nga u sumbedzana vhuthu. Ri ḓo farana hani zwino?
-
Ri fanela u farisana roṱhe u itela u sedzana nazwo.
10

——Dzimbudziso


  1. Ṅwalani zwine haya maipfi a amba zwone: u kavhiwa, mualuwa, tshitsireledzi, vhuthu.
  2. Ṱalutshedzani zwine ‘u vhilaela nga u sumbedzana vhuthu’ zwa amba zwone.
  3. Ni humbula uri muṱa wo dzhia tsheo ifhio? Ndi ngani?
11

——


Heyi nganea yo thewa kha mivhigo ya RX Radio. RX Radio ndi tshiṱitshi tsha radio ya kha inthanethe, ya vhana na yo itelwaho vhana.
-
RX Radio i hasha i ngei Red Cross War Memorial Children’s Hospital, Cape Town.
-
RX Radio i thusa vhana u amba zwiṱori nga ha mafhungo a ndeme ane a vha kwama.
-

Dalelani RX Radio
12
Attribution CC BY
Your attribution should include the following:
Title: Muṱangano wa muṱa
Author/s: African Storybook
Translator/s: Tshedza Tlhako
Illustrator/s: Thulisile Shongwe
Assurer/s: Doris Manyamalala
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator