Umhlangano wemndeni
African Storybook
Thulisile Shongwe
Siswati
First paragraphs
Sinemhlangano wemndeni.
-
Kukhona Babe, Anti Pula, Malume Chavani, Eddie, Attie, mine, kanye naGogo.
-
Ngimi lomncane kunabo bonkhe.
1
Ekhaya kuhlale kudlala umsakato 24/7. Sihlale silalele tindzaba.
-
Lamuhla sive kutsi tikolwa titovulwa evikini lelitako.
2
Bese kuphele tinyanga tikolwa tavalwa ngenca ye-Lockdown.
-
Babe ucala kukhuluma, “Mndeni wami, kufanele sente sincumo mayelana nekubuyela kwebantfwana esikolweni.”
3
Anti Pula ukhatsatekile. “Kuvulwa kwetikolwa kusho kutsi sekutawutseleleka bantfu labanyenti.
-
Lesifo sitawubhebhetseka kakhulu manje,” aphawula.
4
Attie utsi, “Mine ngesaba kungenwa ngulesifo.
-
Asilindzeni emaviki lamabili sibone kutsi tintfo titobanjani esikolweni. Kusenekudideka lokunyenti ngalendzaba.”
5
Babe utsi, “Mine ngesabela Gogo.
-
Bantfwana nabangatfola leligciwane bese baliletsa lapha ekhaya, yena utawugula kakhulu.”
-
Gogo uvuma ngenhloko.
6
Gogo sewugugile. Unesifo sashukela kanye nesifo senhlitiyo.
-
Ngiyesaba kakhulu. Ngikhatsatekile ngemndeni wakitsi.
7
Malume Chavani utsi, “Mine ngicabanga kutsi kuncono bantfwana bahlale ekhaya, kute sivikeleke. Asesicale sibone kutsi tikolwa setikulungele yini kwemukela bafundzi.”
-
Wonkhe umuntfu uyavuma ngaphandle kwa-Eddie.
8
“Mine kufanele ngiye Esikolweni Semabanga Laphakeme emnyakeni lotako.
-
Angati nobe ngitawukwati yini kuwucedza umsebenti lokufanele ngiwufundze.
-
Lokufundza ku-intanethi angikutsandzisisi kahle,” kusho Eddie.
9
Mine angikhatsatwa kusalela emuva emsebentini wesikolwa.
-
Ngikhatsatwa yindzaba yebuntfu. Sesitawuphatsana njani manje?
-
Kufanele silwisane nalesifo ndzawonye.
10

——Imibuto


  1. Bhala inchazelo yalamagama: kutseleleka, kuguga, kuvikeleka, buntfu.
  2. Chaza loko lokushiwo ‘kukhatsatwa yindzaba yebuntfu’.
  3. Ucabanga kutsi ngusiphi sincumo umndeni lofinyelele kuso? Kungani?
11

——


Lencwadzi yetindzaba isekelwe embikweni wesiteshi semsakato lokutsiwa yi-RX. I-RX Radio siteshi semsakato sebantfwana lesiku-intanethi, lesisungulwe saphindze sakhelwa bantfwana.
-
I-RX Radio isakatela e-Red Cross War Memorial Children's Hospital eKapa.
-
I-RX Radio isita bantfwana bacoce ngetintfo letibalulekile kubo.
-
Vakashela i-RX Radio
12
Attribution CC BY
Your attribution should include the following:
Title: Umhlangano wemndeni
Author/s: African Storybook
Translator/s: Simangele Khoza
Illustrator/s: Thulisile Shongwe
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator