Kopano ya balelapa
African Storybook
Thulisile Shongwe
Setswana
First paragraphs
Re na le kopano ya balelapa.
-
Go na le Rre, Mmangwane Pula, Malome Chavani, Eddie, Attie, nna, le Koko.
-
Ke nna yo monnye.
1
Radio e tshubiwa ka nako yotlhe mo ntlung 24/7. Re reetsa gape le dikgang.
-
Re utlwile gompieno gore dikolo di tlile go bulwa gape beke e e tlang.
2
Dikolo di ne di tswetswe dikgwedi ka lebaka la paka ya thibelonakwana ya go se tswele kwa ntle.
-
Rre a simolola, “Balelapa, re tshwanetse go dira tshwetso ka go boela sekolong ga bana.”
3
Mmangwane Pula o tshwenyegile. “Fa dikolo di bulwa go raya gore batho ba bantsi ba tlile go tshwaetsega.
-
Dilo di ka etegela thata,” a bua jalo.
4
Attie a re, “Ke tshaba go tsenwa ke bolwetse jo.
-
A re emeng dibeke tse pedi go bona gore dilo di tla be di le jang kwa sekolong. Go na le ketsaetsego e ntsi.”
5
Rre a re, “Ke tshwenyegetse Koko.
-
Fa bana ba tla gae ba tlisa bolwetse fa gae, go tlile go nna thata mo go ena.”
-
Koko a dumela ka tlhogo.
6
Koko o godile. O na le bolwetse ba sukiri le mathata a pelo.
-
Ke tshogile thata. Ke tshogetse balelapa la me.
7
Malome Chavani a re, “Ke nagana gore bana ba nne fa gae, jaaka e le go ikilela. A re leteng go bona gore a dikolo di ikemiseditse ka barutwana.”
-
Mongwe le mongwe a dumela kwa ntle ga Eddie.
8
“Ke tshwanetse go ya sekolong se segolo ngwaga o o tlang.
-
Ga ke itse gore ke tla fetsa tiro.
-
Go ithuta ka inthanete ga ke go rate,” ga bua Eddie.
9
Ga ke a tshwenyegela go salela morago ka tiro ya sekolo.
-
Ke tshwenyegetse botho. Re tlile go tshwarana jang jaanong?
-
Re tshwanetse go lebagana le se rotlhe.
10

——Dipotso


  1. Kwala bokao jwa mafoko a: tshwaetsegile, godile, ikilela, botho.
  2. Tlhalosa gore go kaya eng ka ga ‘ke tshwenyegetse botho’.
  3. O nagana gore lelapa le dirile tshwetso efe? Ke goreng jalo?
11

——


Bukakanelo e ikaegile mo dipegelong tsa RX Radio. RX Radio ke seteišene sa radio ya bana ya inthanete, e dirilwe ke bana e bile e diretswe bana.
-
RX Radio e gasa go tswa mo Red Cross War Memorial Children’s Hospital kwa Motse Kapa.
-
RX Radio e thusa bana go bua dikgang tsa matsapa a botlhokwa go bona.
-
Etela RX Radio
12
Attribution CC BY
Your attribution should include the following:
Title: Kopano ya balelapa
Author/s: African Storybook
Translator/s: Dineo Moatshe
Illustrator/s: Thulisile Shongwe
Assurer/s: Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator