Kopano ya lelapa
African Storybook
Thulisile Shongwe
Sesotho (South Africa)
First paragraphs
Re na le kopano ya lelapa.
-
Ho na le ntate, mmangwane Pula, malome Chavani, Eddie, Attie, nna le nkgono.
-
Ke nna ya monyenyane ho bona bohle.
1
Seyalemoya lapeng leso se bulelwa matsatsi ohle ho tloha hoseng ho fihlela bosiu. Re mamela ditaba ka nako tsohle.
-
Re utlwile kajeno hore dikolo di tlo bulwa bekeng e tlang.
2
Dikolo di ne di kwetswe dikgwedikgwedi ka lebaka la ho kwalwa ha naha.
-
“Ba lelapa, re lokela ho nka qeto mabapi le ho kgutlela ha bana dikolong,” ke ntate a qala.
3
Mmangwane Pula o kgathatsehile. “Ha dikolo di bulwa ho bolela hore batho ba bangata ba tlo tshwaetswa.
-
Dintho di ka mpefala,” ho rialo mmangwane.
4
“Ke tshaba ho tshwarwa ke bolwetse bona,” ke Attie yeo.
-
“Ha re emeng dibeke tse pedi re bone hore ho tla etsahalang sekolong. Ha jwale pherekano e sa le ngata.”
5
Ntate a re, “Ke tshohetse nkgono.
-
Ha bana ba ka fumana bolwetse bona mme ba bo tlisa hae, nkgono o tla ba tsietsing.”
-
Nkgono a oma ka hlooho.
6
Nkgono o se a tsofetse. O na le lefu la tswekere le la pelo.
-
Ke tshohile haholo. Ke tshohetse ba lelapa la ka.
7
Malome Chavani yena a re, “Ke nahana hore bana ba dule hae, ba sireletsehile. Ha re beng butle re shebeng hore na dikolo di malala a laotswe ho ka amohela baithuti.”
-
Bohle ba dumela, ntle le Eddie.
8
“Ke lokela ho ya Sekolong se phahameng selemong se tlang.
-
Ha ke tsebe hore ke tla kgona ho qeta mosebetsi wa sekolo ohle.
-
Ho ithuta inthaneteng ho a nthatafalla,” ho rialo Eddie.
9
Ha ke a kgathatseha ka ho salla morao mosebetsing wa sekolo.
-
Ke kgathatseha ka botho, ka hore re tla phedisana jwang jwale?
-
Re lokela ke ho tobana le bothata bona mmoho.
10

——Dipotso


  1. Ngola ditlhaloso tsa mantswe ana: tshwaetso, botsofe, thibelo, botho
  2. Hlalosa hore ho bolelang ho ‘kgathetseha ka botho’.
  3. Onahana hore lelapa le nkile qeto efe? Hobaneng?
11

——


Pale ena e theilwe dirapotong tsa radiyo ya RX. Radio ena ke ya inthanete ya bana.
-
Radiyo RX e haswa ho tswa Red Cross War Memorial Children’s Hospital Motseng wa Kapa.
-
RX e thusa bana ho bua dipale ka ditaba tse ba amang tse bohlokwa ho bona.
-
Ketelo seyalemoyeng sa RX
12
Attribution CC BY
Your attribution should include the following:
Title: Kopano ya lelapa
Author/s: African Storybook
Translator/s: Maria Vaz
Illustrator/s: Thulisile Shongwe
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator