Umhlangano womndeni
African Storybook
Thulisile Shongwe
isiNdebele
First paragraphs
Sinomhlangano womndeni.
-
Loya nguBaba, nguKghari uPula, nguMalume uChavani, ngu-Eddie, ngu-Attie, ngimi kanye noGogo. Ngingomncani kunabo boke.
1
Umrhatjho uvulelwa ubusuku nemini ekhethu. Silalela iindaba ngaso soke isikhathi.
-
Sizwe namhlanjesi bona iinkolo ziyokuvulwa ngeveke ezako.
2
Iinkolo zabe zivalwe iinyangana ngesimanga sokuqinteliswa kwamakhambo.
-
“Njengomndeni, kufanele sithathe isiqunto ngendaba yokobana abantwana babuyele esikolweni,” kutjho uBaba.
3
UKghari uPula utshwenyekile. “Lokha iinkolo nazivulwako kutjho bona inengi labantu lizokutshwayeleka.
-
Izinto zingaba zimbi khulu,” kutjho uKghari Pula.
4
“Heyi, mina ngisaba ukungenwa bulwele lobu,” kutjho u-Attie.
-
“Asilindeni iimveke ezimbili sibone bona izinto zikhamba njani esikolweni. Kukhona ukuhlangahlangana okunengi.”
5
“Mina ngisabela uGogo,” kutjho uBaba.
-
“Nange abantwana bangenwa bulwele babuthwala babulethe ekhaya, yena angagula khulu.”
-
UGogo uvuma ngehloko.
6
UGogo wami uluphele. Unobulwele betjhukela nobulwele behliziyo.
-
Ngiyasaba. Ngikhathazeke khulu ngomndeni wami.
7
“Ngicabanga bona abantwana kufanele bahlale ekhaya sivimbele ingozi le,” kutjho uMalume uChavani.
-
“Asijameni silinde nangabe iinkolo sezilungele ukuba nabafundi.”
-
Woke umuntu uyavuma ngaphandle kuka-Eddie.
8
“Kufanele ngiye esikolweni samabanga aphezulu ngomnyaka ozako.
-
Angazi bona ngingakghona ukukhavara umsebenzi.
-
Ukufunda ngethungelelwano akusiyo into engiyithandako,” kutjho u-Eddie.
9
Mina angikakhathazeki ngokusalela emuva ngomsebenzi wesikolo.
-
Ngikhathazwa yindaba yobuntu. Sizokuphathana njani?
-
Kufanele siqalane nalokhu sisoke.
10

——Imibuzo


  1. Tlola phasi ihlathululo yamagama la: ukutshwayeleka, ukuguga, isiyeleliso, ubuntu.
  2. Hlathulula bona kutjho ukuthini ‘ukutshwenyeka ngobuntu’.
  3. Ucabanga bona umndeni uthethe siphi isiqunto? Kubayini?
11

——


Indatjana esencwadini ikhuluma ngemibiko yoMrhatjho i-RX. Umrhatjho i-RX kumrhatjho wabantwana wethungelelwano, wenzelwe abantwana begodu usetjenziswa bantwana.
-
Umrhatjho i-RX usebenza usuka esibhedlela sabantwana i-Red Cross War Memorial Children’s Hospital e-Cape Town.
-
Umrhatjho i-RX usiza abantwana ukobana bacoce iindatjana ngezinto eziqakathekileko kibo.
-
Vakatjhela umRhatjho i-RX
12
Attribution CC BY
Your attribution should include the following:
Title: Umhlangano womndeni
Author/s: African Storybook
Translator/s: Sponono Mahlangu
Illustrator/s: Thulisile Shongwe
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator