Edorobeni ra ka hina, a ku ri na wansati wa xifumi. Vito ra yena a ku ri Alina.Alina a tshama endlwini leyikulu yo saseka ekomponi.A a ri na swilo hinkwaswo kambe a nga tsakanga.

Siku rinwana, Alina a ri karhi a famba ekusuhi ni dyiyindlu dya yena.A n’wayitela a ri karhi a ehleketa, “Ndzi tsakela ku hlangana ni vanhu vantshwa, kumbe ndzi ta endla vunghana byintshwa loko ndzi ya eka holideyi. Kumbe a ndzi ta hlangana na munhu wa nkoka.”

Alina a kunguhata holideyi elwandle ro saseka.Loko ku fika siku ra yena ro famba, a nyanyukile.U hatle a tshamiseka ehodela a tiphina hi vuyeni bya yena endhawini yo hlawuleka.

Alina a pavalala elwandle a wisa. Kutani a hlalela vanhu lava a va ri kwalaho.Hi xihatla a vona wanuna na vana vambirhi. Ndyangu lowu a wu vonaka wu nga tiphini.Hinkwavo a va vonaka va nga tsakangi. Vana a va tlanga va miyerile.

Alina a ehleketa, “Swi nga va swi vangiwa hi yini leswaku va nga tsakangi endhawini yo sasekisa xileswi?”

Mavito ya vana a ku ri Karembo na Kazungu.Va byerile Alina leswaku leri a ri ri riendzo ra vona ro sungula endzhaku ka loko mana wa vona a lovile.Loko Alina a vona tata wa vona, a vona gome ra ku loveriwa ematihlweni ya yena.Vito ra yena a a ri Clemens.

Clemens, Alina na vana, va sungurile ku dzumba swin’we.Karembo na Kazungu va tsakerile ku tlanga na Alina elwandle.Alina u va dyondzisile ku luka tibasikiti hi matluka ya ncindzu no endla tindlu ta misava.

Masiku ma famba hi kurhula.Alina a nga ha tsakeli ku tlhelela ekomponi ya yena ya xivundza.“Holideyi ya mina ya hela namuntlha. Kumbe loko ndzo engetela masiku ya mina yo tshama laha, a ndzi nga twi xivundza,” a tivutisa.

Madyambu malamo, Alina u twile ku gongondza erivantini ra yena. Loko a pfula rivanti, Karembo na Kazungu a va yimile kona.Va valavula xikan’we, “Hi lava leswaku u va mhani wa hina!”Alina a nga tivangi leswaku a va hlamula yini.

Endzhaku ka loko va valavurile, Alina a famba na Karembo na Kazungu ekamareni ra vona.Ku vona vana va yena va tsakile loko va ri na Alina swi endlile Clemens a n’wayitela. A vukarha vana a ku va etlela kahle.Alina a anakanya, “Ndzi hlangene na vanhu va nharhu va nkoka.”

Nampundzu, Alina u yile a ya hlangana na Clemens na vana va fihlula swin’we.Karembo na Kazungu va languta Alina hi ku n’wi tshemba loko a tshamisa ehansi.“Xana ku na leswi swi endlekaka?” ku vutisa Clemens, a n’wayitela loko a languta swikandza swa vana va yena.

Endzhaku ka lembe, Alina na Clemens a va catile!Lembe rin’wana na rin’wana, ndyangu a wu endzela elwandle ro saseka ku ya tlangela ku hlangana ka vona ro sungula.Va tlanga ematini, va endla tindlu ta misava tani hileswi a va edla hakona loko va ha ku hlangana.