Toropong ya heso ho ne ho ena le mosadi wa morui ya bitswang Alina.Alina o ne a dula ntlong e kgolo e komponeng e ntle.O ne a atlehile haholo empa a sena thabo.

Ka tsatsi le leng Alina a potoloha komponeng yeo ya hae.A bososela a nahana, “Ke lakatsa ho kopana le batho ba batjha. Mohlomong ke tla kopana le metswalle e metjha ha nka ya matsatsing a phomolo. Mohlomomg nka kopana le motho wa bohlokwa.”

Alina a rera ho ya phomolong lebopong la lewatle le letle ka ho fetisisa.O ne a thabile ha letsatsi la hae la ho nka leeto le fihla.A phakisa a iketla hoteleng ya hae le ho natefelwa ke phomolo tulong ena e ntle hakana.

Alina a kakalla leboponga iketla. A boha batho ba mo potapotileng.Kapele- pele a elellwa monna ya neng a ena le bana ba babedi. Ba ne ba shebahala ba sa natefelwe ke ho ba moo.Ba ne ba bonahala ba sa thaba. Bana ba ne ba bapala ba kgutsitse.

Alina a nahana, “Ekaba ke hobaneng ha ba hloname tjee tulong e ntle ha kale.”Ha morao, ha a sesa letangwaneng la hotele, bana ba monna yeo ba tla sesa letangwaneng le bona.Alina a qala ho qoqa le bona.

Mabitso a bana e ne e le Karembo le Kazungu.Ba mmolella hore phomolo ena ke ya bona ya pele ka mora lefu la mmabona.Ha Alina a kopana le ntata bana, a mmona mahlong bohloko boo a leng ho bona ka lefu la mosadi wa hae.Lebitso la hae e ne e le Clemens.

Yaba Clemens, Alina le bana ba se ba hlola mmoho nako e kgolo.Karembo le Kazungu ba natefelwa ke ho bapala le Alina lebopong.Alina a ba ruta ho loha dimanki ka mahlaku a dipalema, le ho haha diqhobosheane ka santa.

Matsatsi a ya ha monate ho futhumetse.Alina o ne a sa batle ho kgutlela komponeng ya hae e bodutu.“Phomolo ya ka e se e tla fela.Mohlomong ha nka ka eketsa matsatsi, ha ke no hlonama hakana,” Alina a nahana.

Mantsiboyeng ao, Alina a utlwa motho a kokota lemating. Ha a bula lemati, a bona Karembo and Kazungu ba eme moo.Ba bua hong, “Re batla hore o be mme wa rona!”Alina a tsieleha hore o ba araba jwang.

Ha ba qeta ho bua, Alina a ya le Karembo le Kazungu kamoreng ya bona.Clemens a bososela ha a bona bana ba thabetse ho ba le Alina. Alina a ba aka mme a ba sadisa hantle.Alina a nahana a re, “Ke kopane le batho ba bararo ba bohlokwa.”

Tsatsing le hlahlamang, Alina a ja dijo tsa hoseng le bona.Karembo and Kazungu ba eba le tshepo ha Alina a dula le bona tafoleng.“Ebe ho etsahalang?” ho botsa Clemens a bososela ha a bona tjhebeho ya difahleho tsa bana ba hae.

Ka mora selemo, Clemens le Alina ba nyalana!Selemo se seng le se seng, lelapa la tjhakela lebopong le letle ho keteka mohlang ba neng ba kopona kgetlo la pele.Ba bapala metsing, ba haha diqhobosheane, jwalo ka ha ba ne ba etsa ha ba kopana kgetlo la pele.