Edolobheni esasihlala kulo, kwakukhona intokazi eyayiyisicebi. Igama layo kwakungu-Alina.U-Alina wayehlala endlini enhle eyayiyisitezi.Wayenakho konke, kodwa wayengajabule neze.

Ngelinye ilanga, u-Alina wayezihambela ezungeza umuzi wakhe omkhulu.Washo wamamatheka ngesikhathi ecabanga, “Ngifisa ukuhlangana nabantu abasha. Mhlawumbe ngingakwazi ukuzakhela abangane uma ngiathatha iholidi. Mhlawumbe nje, ngingazitholela umuntu obalulekile kimi.”

U-Alina waqala wahlela ukuthatha iholidi ehhotela elalisogwini lolwandle.Wajabula kakhulu lapho kufika usuku lokuhamba. Washeshe wafika ehhotela ayezohlala kulo.Wazihlela ngokushesha ukuze azijabulise kule ndawo enhle kangaka.

U-Alina walala waphumula ebhishi. Wayelokhu ezibukela abantu ababeseduze kwakhe.Kusenjalo wabona indoda eyayihamba nezingane ezimbili.Lo mndeni wawungabukeki ukujabulela ukuba kule ndawo. Bonke babebukeka bedangele. Izingane zazidlala buthule.

U-Alina wacabanga ezibuza, “Ngabe yini ebenza babukeke bedangele endaweni enhle kangaka.”Ngalo lolo suku ntambama, u-Alina wayezibhukudela echibini lasehhotela ngesikhathi kufika izingane zale ndoda nazo zizobhukuda.U-Alina waqala waxoxa nazo elangazelele ukwazi ngazo.

Amagama azo kwakunguKarembo noKazungu.Batshela u-Alina ukuthi leli kwakuyiholidi labo lokuqala selokhu kwashona umama wabo.Kwathi u-Alina esebona ubaba wezingane, walubona usizi nobuhlungu bokulahlekelwa okwakubhalwe ebusweni bakhe. Igama lakhe kwakunguClemens

UClemens no-Alina kanye nabantwana baqala bachitha isikhathi bendawonye.UKarembo noKazungu babethanda ukudlala no-Alina ebhishi.U-Alina wabafundisa ukweluka obhasikidi usebenzisa amahlamvu esundu nokwakha izindlu zesihlabathi.

Zedlula izinsuku kumnandi ukuzihlalela elangeni.U-Alina wayengafuni ukubuyela emzini wakhe owawunesizungu.“Seliyaphela iholidi lami. Mhlawumbe uma ngiqhuba isikhathi sokuhlala lapha, ngeke ngihlale ngidangele,” ecabanga.

Ngalobo busuku, u-Alina wezwa ukungqongqoza emnyango.Wathi uma evula umnyango, wabona uKarembo noKazungu bemi phambi kwawo.Bakhuluma kanye kanye, “Sifuna ukuthi ube ngumama wethu!” U-Alina akazanga ukuthi uzobaphendula athini.

Kwathi sebeqedile ukukhuluma, u-Alina wahamba noKarembo noKazungu waya endlini yabo.Kwakumjabulisa uClemens ukubona izingane zakhe zijabule uma zino-Alina. U-Alina wanga izingane wavalelisa.“Ngihlangene nabantu abathathu ababalulekile kimi,” kucabanga u-Alina.

Ngakusasa ekuseni, u-Alina wahlangana noClemens nabantwana ukuyodla ukudla kwasekuseni.UKarembo noKazungu babembuka ngokumethemba u-Alina ngesikhathi eyohlala phansi.“Ngabe kwenzenjani?” kubuza uClemens emamatheka ngesikhathi ebuka izingane zakhe zinobuso obuchachambile.

Emva konyaka, u-Alina noClemens bashada!Njalo ngonyaka lo mndeni wawuvakashela kuleli hhotela ukuyogubha usuku lokuqala abahlangana ngalo.Babedlala emanzini bakhe nezindlu zesihlabathi njengoba babenza mhla beqala ukuhlangana.