UBongani Mayosi, udorhodera wehliziyo
Nozuko Mkizwana
Sibusiso Khumalo
isiNdebele
Longer paragraphs

——


Incwadi le ikhuluma ngodorhodera weSewula Afrika igama lakhe nguBongani Mawethu Mayosi.
-
Wabe anguSosayensi owathola izinto eziqakathekileko ngobulwele behliziyo.
1
UBongani wabelethwa ngomnyaka we- 1967, wabelethelwa eMthatha nge-Eastern Cape eSewula Afrika.
-
Wayokufunda isikolo esigodini seNgqamakhwe.
-
Unina likaBongani wabe alinese, uyise angudorhodera.
2
Qobe lilanga nabasekhaya nababuya emsebenzini, ababelethi bakaBongani bebakhuluma ngomsebenzi wabo.
-
Waba nekareko emirarweni yezamaphilo, nekusizeni abantu.
-
Ngokuzwa ngomsebenzi wababelethi bakhe, uBongani waba nekareko kuSayensi yezamaPhilo.
3
Esikolweni, uBongani wabe athanda iimBalo neSayensi yePilo.
-
Wasebenza ngamandla kilezomfundo ngombana wabe afuna ukuba ngudorhodera.
-
Ngemva kokuqeda amabanga aphezulu esikolweni, wakhamba wayokufunda eYunivesithi yakwaZulu-Natali neCape Town. Wabe amfundi ohlakaniphileko.
4
Ngesimanga sokuhlakanipha kwakhe, uBongani wathumba umfundalize waragela phambili nokuyokufunda eYunivesithi ye-Oxford e-England.
-
Wafunda godu ne-Amerika. Ngemuva kwalokho wabuyela eSewula Afrika ukobana ayokusebenza njengodorhodera.
-
Wabe angudorhodera onomusa nonomoya ophasi, owabe azithanda iingulani zakhe.
5
Akhange kuthathe isikhathi ngaphambi kobana uBongani akhambe godu abuyele ngaphetjheya.
-
Wabe afuna ukufunda khudlwana ngamalunga wehliziyo.
-
Ikhadiyoloji ziimfundo zehliziyo namalwele athinta ihliziyo.
-
UBongani wabe ayiKhadiyolojisti – udorhodera wehliziyo.
6
UDorh. Mayosi wasebenza nabanye abarhubhululi ngaphetjheya. Bathola into eqakatheke khulu.
-
Abarhubhululi laba bathola nokobana kubayini abantu baphathwa bulwele behliziyo.
-
Lokhu abakutholako kwabe kuqakatheke khulu kibodorhodera ephasini mazombe.
7
UBongani wabuyela eSewula Afrika anelwazi lezazi zokwelapha.
-
Wasebenza noNgqongqotjhe wezamaPhilo wenarha le begodu wanikela iiyeleliso mayelana nemiraro yezamaphilo yenarha.
-
Ibhudango lakhe kwabe kukubona iinarha ze-Afrika zizirarululela imiraro yazo yezamaphilo ngokusebenzisa iSayensi.
8
UBongani wabe azethemba njengoSosayensi we-Afrika. Irhubhululo lakhe lalokho akutholako labe liqakatheke kizo zoke iinarha ephasini mazombe.
-
ISewula Afrika yagidinga umsebenzi nepumelelo yakhe.
-
Lalela-ke, iSewula Afrika yamhlonipha ngonongorwana ophezulu khulu weSayensi obizwa ngokuthiwa yi-Order of Mapungubwe.
9
UBongani wabe anguPhrofesa weKhadiyoloji eYunivesithi yeCape Town (i-UCT).
-
Ngeemfundiso zakhe, wabelana ngelwazi analo nabafundi bakhe.
-
Wabe azwisisa imiraro yabafundi abanengi. Wakhuthaza abodorhodera abasesebancani nabanye ebebafundela iSayensi yezamaPhilo.
10
UProfesa Mayosi waphakanyiselwa esikhundleni sokuba yihloko kumaSayensi wezamaPhilo e-UCT.
-
Wabe asoloko amatasatasa ngomsebenzi. Bekangutitjhere, amrhubhululi begodu amdosiphambili.
-
UBongani Mayosi abantu abanengi bamkhumbula njengesibonelo esihle.
11
Umsanyana obuya emakhaya, waba mdosiphambili kuSayensi yamaPhilo eYunivesithi yeSewula Afrika ekhamba phambili.
-
Waba ngusolwazi weentjhabatjhaba kumaSayensi wamaPhilo.
-
UBongani wazuza okunengi khulu epilweni yakhe, kodwana wabe asoloko azithobile.
12
Nasifunda ngeSayensi, singakhumbula uDorh. Mayosi.
-
Singagidinga ipumelelo yakhe nokhunye okunengi akuzuza kwabanye abosolwazi bama-Afrika.
-
Begodu singagidinga ngegugu lelwazi lama-Afrika.
13

——Imibuzo


  1. Ngubani ococa indatjana le? Indatjana yona ikhuluma ngobani?
  2. Wathoma nini uBongani ukuba nekareko kezamaphilo nakusayensi begodu kubayini?
  3. Iyini ‘ikhadiyoloji’? Iyini ‘ikhadiyolojisti’?
  4. Ayini “amaSayensi wezamaPhilo”? Thola okunengi ngomsebenzi owenziwa kuSayensi yezamaPhilo.
14

——Iincwadi eziselungelungeni leli


  • U-Andile Mji
  • U-Asnath Mahapa
  • UBongani Mayosi
  • UCharlotte Maxeke
  • UMmantsane Moche Diale
  • UMulalo Doyoyo
  • UTebello Nyokong
  • UTshilidzi Marwala
15

——


Indatjana le yatlhanywa begodu yatlolwa ngelimi lesiXhosa njengengcenye yephrojekthi yeZenex Ulwazi Lwethu yeencwadi ezingafundwa ngo-2020.
16
Attribution CC BY
Your attribution should include the following:
Title: UBongani Mayosi, udorhodera wehliziyo
Author/s: Nozuko Mkizwana
Translator/s: Sponono Mahlangu
Illustrator/s: Sibusiso Khumalo
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator