Tshiṱori tsha Lesedi
Tebogo Boikanyo Matshana
Tebogo Boikanyo Matshana
Tshivenḓa
First paragraphs
Murathu wanga Lesedi ha pfi na luthihi.
-
U ṋamela tshidulo a setshelela a tshi ḓiita tshivhingwi.
-
U ḓo dzumbama nṱha ha muri arali na lingedza u mu fara.
1
Makhulu vha huwelela, “Kha tse, u ḓo tshinya mavhudzi awe.”
-
Lesedi u ḓo fhindula, “Hai Makhulu, ndo no vha nṱha nṱha.”
-
Makhulu vha dzungudza ṱhoho vho mangala.
2
Ni nga si tende arali nda ni vhudza uri musi mvula i tshi na murathu wanga Lesedi u gidimela mvulani.
-
Makhulu vha mu vhidza vho sinyuwa, “Lesedi, kha dzhene nḓuni, u ḓo tshinya zwiambaro!”
3
Lesedi u ola zwifanyiso nga zwiḽiwa zwawe zwa nga madekwana, nahone a ita madamu maṱuku nga tie yawe.
4
U ita phosho nga mirumba yawe na nga kaṱara yawe ya muḓagasi.
5
Ndi ngazwo a sa vhoni uri o tsukadza lungafhani kamarani yashu!
6
Makhulu vha ri, “Lesedi, ngoho heyi a si nḓila yavhuḓi ine ṅwananyana a ḓifara ngayo.”
7
Lesedi a tshi khou alamula, “Yoweee, Makhulu, ndo sikwa nga yeneyi nḓila.”
8
Fhedzi vhusiku hoṱhe Lesedi u sokou shanavhiḓa a sa farwi nga khofhe.
9
Musi ḽi tshi tsha, Lesedi u tshee o farwa nga khofhe. Lesedi uri, “Makhulu a tho ngo eḓela zwavhuḓi na luthihi. Ndi khou humbela u ṋekezwa luswielo, ndi ḓo kunakisa kamara yanga.”
10
Makhulu vha a setshelela vha ri, “Lesedi muḓuhulu wanga, khamusi u ḓo kona u vha gomba gomba!”
-
Na Lesedi u a setshelela a ri, “Ee Makhulu, ndi nga vha nṋe muṋe, na u ḓifara sa gomba gomba.”
11
“Ndi nga kona u vha zwone zwoṱhe. Ndi nga vha tshiṅwe na tshiṅwe tshine nda funa u vha tshone,” murathu wanga u ralo a tshi kuvhatedza Makhulu.
12
Attribution CC BY
Your attribution should include the following:
Title: Tshiṱori tsha Lesedi
Author/s: Tebogo Boikanyo Matshana
Translator/s: Doris Manyamalala
Illustrator/s: Tebogo Boikanyo Matshana
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator