Dzadzewetfu Lesedi akahlaliseki.Ugencetisa situlo sakhe ente shengatsi ulibhele.Ubhaca etulu esihlahleni nangabe utama kumbamba.

“Yehla lapho, kutoze konakale tinwele takho!” kumemeta gogo.“Hhayi gogo,” kuphendvula Lesedi, “Sengivele sengisemoyeni!”Gogo unikina inhloko yakhe ngekumangala.

Ungete wakholwa kutsi nangabe lina, dzadzewetfu Lesedi ugijima khona lapho emvuleni.“Lesedi!” kumemeta gogo, “Ngena endlini, kutoze konakale timphahla takho!”

Lesedi udvweba imidvwebo kanye nemachibi ekudleni kwakhe ngelitiya lakhe.

Wenta bugudvugudvu bemisindvo ngetigubhu takhe temculo kanye nemsindvo lomkhulu ngelugitali lwakhe lolusebenta ngagesi.

Kungako angaboni ngisho nemonakalo lawentako ekamelweni letfu!

“Lesedi, ecinisweni lena akusiyo indlela sidzandzane lokufanele sitiphatse ngayo,” kusho gogo.

“Awu nawe gogo,” kukhala Lesedi, “Lena yindlela nami lengentiwe ngayo.”

Busuku bonkhe, Lesedi, ugucugucuka njalo, akabutsi hlutfu butfongo.

Bese kutsi ekuseni, Lesedi abe seloku anebutfongo.“Nkosiyami gogo,” kusho Lesedi, “phela angizange neze ngilale kahle.Ngicela unginikete umshanyelo, ngicabanga kutsi ngishanyele likamelo lami.”

“Maye Lesedi,” kumoyitela gogo, “Mhlawumbe ekugcineni utokuba yintfombi!”“Yebo gogo,” kumoyitela Lesedi, “Ngitochubeka ngingimi, kuphela nangabe ngiba yintfombi.”

“Ngingaba ngiko kokubili. Ngingaba ngunobe yini lengifuna kuba ngiyo,” kubabata dzadzewetfu njengoba agaca gogo.