Nnake Lesedi ke setsokotsane sa motho tota!O pagama setilo a bo a bososela jaaka bera.Fa o ka re o leka go mo tshwara, o tla iphitlha fa godimo ga setlhare gore o se ka wa mmona.

“Fologa setlhare o tloga o senya moriri wa gago,” ga goeletsa Koko.“Owaii! Ke setse ke le mo lefaufaung,” Lesedi a fetola.Ka go makala, Koko a tshikinya tlhogo.

A o ka ntumela fa ke re, fa pula ena, nnake Lesedi o siana mo puleng.“Lesedi!” Koko a goeletsa ka bogale, “Tsena ka mo ntlong, o tla senya diaparo tsa gago!”

Lesedi o thalathala mo dilalelong tsa gagwe, a bo a dira dipudula ka mogodungwana wa gagwe.

O ruthutha le go opaopa meropa ya gagwe a bo a tlerebanya katara ya gagwe ya motlakase.

Ga go makatse fa a sa lemoge tlhakatlhakano e a e dirang mo phaposing ya rona ya borobalo!

“Ruri! Ngwanake, se ga se mokgwa o lekgarebe le tshwanetseng go itshola ka teng,” ga bua Koko.

“Ijoo Koko, fela ke ka mokgwa o nna ke tlhodilweng ka teng.” Lesedi o bua a edimola.

Fela bosigo botlhe, Lesedi o menoga a fetoga, ga a robale sentle le e seng.

Letsatsi le tlhaba, Lesedi o a sa ntse a tshwerwe ke boroko.“Ijoo nna we Koko! Ga ke a robala sentle bosigo botlhe.Ke kopa gore o nneeletse lefeelo, ke tla leka go phepafatsa phaposi ya me ya borobalo.”

“Ijoo Ngwanake! Se se bontsha gore fa o rata o kgona go itshwara jaaka lekgarebe la seithati!” Koko o bua ka monyenyo.“Ijoo Koko! Ke a kgona go itshola jaaka lekgarabe, ke ka mokgwa o ke tlhodilweng ka teng.” Lesedi o bua a nyeba.

“Ke a kgona go nna lekgarebe la seithati le sengwe le sengwe se ke se ratang,” go bua Nnake a atla Koko.