Udadwethu uLesedi umumuntu okghona ukwenza izinto ezinengi.Uzakuhlala esitulweni sakhe enze sengathi uyibhere.Uzakubhaqa phezu komuthi nange uzama ukumbamba.

Ugogo uyarhuwelela, “Yewize yehla lapho, uzakona iinhluthu zakho!”“Wu Gogo,” Kuphendula uLesedi, “Qala sengiphezulu emmoyeni!”Ugogo athintithe ihloko angakholwa lokhu akuzwako.

Ngokungakholwekiko, ngaso soke isikhathi nalinako izulu uLesedi uzithandela ukudlala agijime ezulwini.“Lesedi!” kurhuwelela uGogo, “Yewize, ngena uzakona izambatho zakho!”

Nakaphakelwa ukudla, uLesedi udlala ngokudla enze amagwebu ngetiye yakhe.

Ubetha iingubhu zakhe abethe negatara yakhe yegezi.

Ngikho nje angaboni iinsila azenza ngekumbeni yethu!

“Lesedi,” kutjho uGogo, “Kwamambala le yona akusiyo indlela umntazana omncani aziphatha ngayo.”

“Wu Gogo, kuzamula uLesedi, “Le yindlela nami engadalwa ngayo.”

Kodwana ubusuku boke uLesedi bekagedeka embhedeni akhange alale nakancani.

Nakusako uLesedi usaqale ngawayizolo uphethwe buthongo.“Bababe Gogo,” kutjho uLesedi, “Akhange ngilale kuhle nakancani.Ngibawa khewunginikele umthanyelo, ngicabanga bona ngizakuhlwengisa ikamero lami.

“Wu Lesedi,” kumomotheka uGogo, “Mhlamunye nawe ungaba mntazana ozithandako!”“Iye Gogo,” kumomotheka uLesedi, “Ngingaba ngimi, begodu ngingaba ngudade ozithandako.”

“Ngingaba ngikho kokubili. Ngingaba ngenye nenye into engiyithandako,” kutjho udadwethu atjho asingatha uGogo.