Imibono ehlakaniphileko kaMulalo Doyoyo
Arnold Mushwana
Thulisile Shongwe
isiNdebele
Longer paragraphs

——


Le yindatjana kaMulalo Doyoyo, umSunguli onguSosayensi weSewula Afrika.
-
Abasunguli babantu abacabanga nababumba yoke imihlobo yezinto ezitja.
-
UMulalo usebenzisa iSayensi neThekhnoloji ukwakha iinsungulo ezisiza abantu kanye nebhoduluko.
1
“Ngifuna ukukutjela ngoSonjiniyera owaba msunguli odumileko. Wabelethelwa esigodini seVondwe,” kuthoma uTitjhere uMary.
-
“IVondwe ikuphi titjhere?” kubuza uLulama.
-
“Isendaweni yemakhaya ePhrovinsini yeLimpopo,” kuphendula uTitjhere.
2
“UMulalo Doyoyo wabelethwa ngomnyaka we-1970. Noke nje nanikuphi ngomnyaka we-1970?” kubuza uTitjhere uMary.
-
“Wu! Thina besingakabelethwa nokubelethwa Titjhere ngomnyaka we-1970,” kuphendula uJack ahleka.
-
“UMulalo wathoma isikolo esikolweni samabanga aphasi eVondwe Primary ngomnyaka we-1977,” kuraga uTitjhere.
3
“Lokha nakaya esikolweni samabanga aphezulu, wathanda iSayensi nobuNjiniyera,” kutjho uTitjhere uMary.
-
“Buyini ubunjiniyera?” uyabuza.
-
“Kuyihlanganisela yeSayensi neThekhnoloji,” kuphendula uNkoka.
-
“Kumayelana nokwenza imitjhini, imakhiwo kanye nezinye izinto,” kuphendula uKulani.
4
“Nobabili niqinisile. AbosoNjiniyera bayatlama bebakhe nemitjhini, izinto kanye nezakhiwo. Basebenzisa iSayensi neThekhnoloji,” kutjho uTitjhere.
-
“Ngemuva kokuqeda isikolo eSekondari iMbilwi, uMulalo wathumba umfundalize wokuyokufundela ubuNjiniyera eYunivesithi ye-Cape Town,” utjho usaraga.
5
“Lokha nakaseyunivesithi, uMulalo wabumba ihlangano ebizwa ngokuthiwa yiTemescial.
-
Lokhu kujamele ‘iTekhnoloji, imitjhoga kanye nesayensi yakho koke.’
-
ITemescial ikhuthaza abantu abasesebatjha ukobana bafunde iSayensi, iThekhnoloji, ubuNjiniyera kanye neemBalo.
-
Ekukhambeni kwesikhathi sizakuthola okunengi ngalokhu.”
6
“Ngemuva kokuqeda idigri yakhe yokuthoma, uMulalo waya e-Amerika. Wafunda bewafundisa emayunivesithi wakhona.
-
Wafundisa iSayensi neemBalo (i-Applied Mathemathiksi). Iyini iMathemathiksi?” kubuza uTitjhere uMary.
-
“Sifundo seenomboro, amajamo kanye namaphetheni,” kutjho u-Akani.
7
“Iye kunjalo uqinisile, Akani,” kutjho uTitjhere.
-
Waragela phambili nendatjana yakhe.
-
“UMulalo uneziqu zobudorhodera. Uzuze iziqu eziphezulu khulu ze-PhD. Nasele uzuze iziqu ezifana nalezi, ubizwa ngokuthiwa ungudorhodera. Ungusolwazi kilomkhakha wobuNjiniyera.”
8
“Njenganje, ngaphambi kobana nginitjele ngalokho okwasungulwa nguMulalo, akhese nginikhumbuze ngometheriyali wokwakha obizwa ngokuthiwa yisamende,” kutjho uTitjhere.
-
“Isamende inelitje lelayimi begodu lisetjenziswa emakhiweni eminengi.
-
Ilitje liyagujwa emayini, ligaywe libe feyini bese liyatjhiswa kwenziwe isamende.”
9
“Bafundi, uMulalo wasungula imatheriyali yokwakha enganalo ilitje. Kunalokho, isebenzisa umlotha nenye isila ebuya emabubulweni.
-
Lokhu kutjho bona kuyakghoneka ukwenza isamende ngaphandle kokuthatha ilitje lelayimi phasi. Ibhoduluko alikonakali.”
10
“Okhunye godu uMulalo wasungula umtjhini wokwenza amatje. Umtjhini lo wonga amanzi ne-eneji. Amanzi asisetjenziswa esingatholakali lula!”
-
“Akukafaneli silise iimpompi zihlale zingakavalwa,” kutjho uJack.
-
“Iye woke umuntu unomsebenzi wokonga amanzi,” kuphendula uLulama.
11
“Pheze sengiyayiqeda indatjana yami, ngiyiphetha ngesithuthuthu esithelwe ngepuyere yehayidrojini! Isithuthuthu sibizwa ngokuthiwa ‘yi-Ahifambeni’. UMulalo wasungula isithuthuthu lesi nabanye abarhubhululi,” kutjho uTitjhere.
-
“Isithuthuthu sehayidrojini, lokhu kukuhlakanipha okukhulu!” kutjho uKulani.
-
“Ahifambeni! Asikhambeni!” kutjho uNkoka.
12
“Iye! Asikhambeni siyokufundela ubuNjiniyera sisungule izinto ezihlakaniphileko!” kutjho uKulani.
-
“Asisebenziseni iSayensi neThekhnoloji ukurarulula imiraro nokuzithabisa!” kutjho uNkoka.
-
“Ngiyazi bona indatjana kaMulalo izakukhuthaza wena!” kutjho uTitjhere uMary amomotheka.
13

——Imibuzo


  1. Wena uthanda ukufundela ini? Kubayini uthanda ukufundela lokho?
  2. Kubayini ucabanga bona uMulalo wathanda iSayensi nobuNjiniyera?
  3. Tholisisa okunengi ngemihlobo ehlukahlukeneko yobunjiniyera.
  4. Tholisisa okunengi ngabasunguli bama-Afrika.
14

——Iincwadi eziselungelungeni leli


  • U-Andile Mji
  • U-Asnath Mahapa
  • UBongani Mayosi
  • UCharlotte Maxeke
  • UMmantsane Moche Diale
  • UMulalo Doyoyo
  • UTebello Nyokong
  • UTshilidzi Marwala
15

——


Indatjana le yatlhanywa begodu yatlolwa ngelimi leXitsonga njengengcenye yephrojekthi yeZenex Ulwazi Lwethu yeencwadi ezingafundwa ngo-2020.
16
Attribution CC BY
Your attribution should include the following:
Title: Imibono ehlakaniphileko kaMulalo Doyoyo
Author/s: Arnold Mushwana
Translator/s: Sponono Mahlangu
Illustrator/s: Thulisile Shongwe
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator